តើអ្នកគួរតែលួ-»ចឆែ-»កទូរស័ព្ទ គូស្នេហ៍របស់អ្នកដែរឬទេ?

ស្នេហា៖ ទំនាក់ទំនងគូស្នេហ៍តែងតែមានពេលសប្បាយចិត្តនិងពេលកើតទុក្ខ ហើយក្នុងស្ថានការណ៍ខ្លះទៀតគឺ អ្នកចាប់ផ្ដើមមិនទុកចិត្តដៃគូរបស់អ្នកនោះឡើយ និងតែងតែគិតច្រើនថាគេទៅរកអ្នកទីបី។ ដូច្នេះហើយទើបអ្នកព្យាយាមតាមដានគេ ដូចជាលួចឆែកទូរស័ព្ទផ្ទាល់ខ្លួនរបស់គេជាដើម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ សំណួរមួយសួរថា តើអ្នកគួរលួចឆែកទូរស័ព្ទផ្ទាល់ខ្លួនរបស់គូស្នេហ៍អ្នកដោយគ្មានការអនុញ្ញាតដែរឬទេ? ចម្លើយគឺ អ្នកមិនគួរលួចឆែកទូរស័ព្ទផ្ទាល់ខ្លួនរបស់គូស្នេហ៍អ្នកនោះឡើយ ព្រោះទោះបីជាគេជាសង្សារ ឬស្វាមីឬភរិយារបស់អ្នក ក៏គេនៅតែមានសិទ្ធិផ្ទាល់ខ្លួន។

ម្យ៉ាងទៀតទង្វើដែលអ្នកលួចឆែកទូរស័ព្ទគេនេះ គឺបង្ហាញច្បាស់ហើយថាអ្នកមិនទុកចិត្តគេ ហើយបើសិនជាគេចាប់បាននាថ្ងៃណាមួយ នឹងបង្កជម្លោះខ្លាំងមិនខាន។ អ្នកត្រូវចងចាំថា រាល់មនុស្សម្នាក់ៗសុទ្ធតែមានរឿងផ្ទាល់ខ្លួនរបស់គេ ដូច្នេះបើសិនអ្នកមានការគោរពចំពោះគេ សូមកុំព្យាយាមទៅរញ៉េរញ៉ៃនឹងទូរស័ព្ទផ្ទាល់ខ្លួនរបស់គេ។

ជំនួសមកវិញ បើសិនអ្នកចង់ដឹងរឿងអ្វីមួយ សូមសួរគេត្រង់ៗថានិយាយជាមួយអ្នកណាខ្លះជាប្រចាំថ្ងៃ ឬក៏អ្នកអាចដោះដូរទូរស័ព្ទគ្នាឲ្យគេមើលរបស់អ្នកហើយអ្នកមើលរបស់គេជាដើម ប៉ុន្តែបើសិនអ្នកសុំមើលហើយតែគេមិនឲ្យមើល គឺអាចមានអ្វីមួយគួរឲ្យសង្ស័យនៅក្នុងនោះ។

សរុបមក វាមិនមែនជាជម្រើសល្អទេក្នុងការលួចឆែកទូរស័ព្ទអ្នកដទៃ មិនថាម្នាក់នោះជាគូស្នេហ៍ គ្រួសារ មិត្តភក្តិ ឬអ្នកដទៃផ្សេងៗនោះឡើយ៕  

ប្រភព៖: thrivingcenterofpsych

• គ្រួសារ
• ស្នេហា
• ជីវិត
• មេរៀនជីវិត