សៀមរាប៖ នៅលើផេក មន្ទីរសាធារណការ និងដឹកជញ្ជូន ខេត្ដសៀមរាប បានធ្វើសេចក្តីជូនដំណឹងស្តីពីការផ្អាកចរាចរណ៍រថយន្តដឹកទំនិញធុនធ្ងន់គ្រប់ប្រភេទ លើកំណាត់ផ្លូវមួយចំនួន ក្នុងភូមិសាស្ត្រខេត្តសៀមរាប ជាបណ្តោះអាសន្ន។
![](https://s9.kh1.co/dc/dcd6c6063932d5c7c7cdb26f77ebfa6775e8f15d.jpg)
មន្ទីរសាធារណការ និងដឹកជញ្ជូនខេត្តសៀមរាប បានជូនដំណឹងដល់បងប្អូន ប្រជាពលរដ្ឋជាម្ចាស់រថយន្តដឹកទំនិញធុនធ្ងន់ទាំងអស់ ពឹងផ្អែកលើស្ថានភាពទឹកភ្លៀង ក្នុងវដូវវស្សាឆ្នាំ២០២៣នេះ ចាប់ផ្តើមធ្លាក់ក្នុងកម្រិតពីមធ្យមទៅច្រើន បង្កឱ្យមានជាជំនន់ទឹកភ្លៀង ដែល ត្រូវមានការប្រុងប្រយ័ត្នខ្ពស់ និងអាចបង្កឱ្យមានផលប៉ះពាល់ ដល់អាយុជីវិតមនុស្សសត្វ និងហេដ្ឋារចនា សម្ព័ន្ធផ្លូវថ្នល់-ស្ពាន។
ជាមួយគ្នានេះដែរជំនន់ទឹកភ្លៀងដែលបាន និងកំពុងជន់ឡើង ជាហេតុបណ្ដាលឱ្យ លិចលង់នៅតាមកំណាត់ផ្លូវមួយចំនួនក្នុងភូមិសាស្ត្រខេត្តសៀមរាប ដែលស្ថានភាពបែបនេះធ្វើឱ្យផ្លូវថ្នល់- ស្ពាន មិនអាចទ្រនឹងទម្ងន់របស់រថយន្តដឹកទំនិញធុនធ្ងន់បាន។
![](https://s9.kh1.co/02/029b8f9f7297fef91dd48c405c7bfd7766a1abb4.jpg)
![](https://s9.kh1.co/d8/d88ed2011eb5566a0ac8e92ffd780f7f73760651.jpg)
ដើម្បីបង្ការគ្រោះថ្នាក់ជាយថាហេតុ និងទប់ ស្កាត់ការខូចខាតហេដ្ឋារចនាសម្ព័ន្ធផ្លូវថ្នល់-ស្ពាន មន្ទីរសាធារណការ និងដឹកជញ្ជូនខេត្តសៀមរាប សូមធ្វើការ ផ្អាកចរាចរណ៍រថយន្តដឹកទំនិញធុនធ្ងន់គ្រប់ប្រភេទ ជាបណ្ដោះអាសន្នលើកំណាត់ផ្លូវជាតិលេខ ៦៤ (ដំដែក- អូរប្រាំព្យាម ព្រំប្រទល់ព្រះវិហារ), ផ្លូវជាតិលេខ៦៧ (ប្រាសាទបាគង-អន្លង់វែង), ផ្លូវខេត្តលេខ២៦៥E (រលួស-កំពង់ភ្លុក), ផ្លូវខេត្តលេខ២៦៦C (ស្វាយធំ-បន្ទាយស្រី), ផ្លូវខេត្តលេខ២៦៦ (ពួក-អង្គរជុំ), ផ្លូវខេត្តលេខ២៦៧៣ (អង្គរជុំ-វ៉ារិន), ផ្លូវខេត្តលេខ២៦៧៦ (ទួលគ្រួស-តាសៀម), ផ្លូវខេត្ត លេខ២៦៤៥ (ស្វាយលើ-ស្រែណូយ), ផ្លូវខេត្តលេខ៦២-៣ (បេងមាលា-ខ្វាវ) ចាប់ពីថ្ងៃជូនដំណឹងនេះ រហូតដល់មាន សេចក្តីជូនដំណឹងសាជាថ្មី៕
ប្រភព៖ មន្ទីរសាធារណការ និងដឹកជញ្ជូន ខេត្ដសៀមរាប
សូមទស្សនារូបភាពខាងក្រោម៖
![](https://s9.kh1.co/18/18a8945c62cd113e9e186c37749afd65bace9d8f.jpg)
![](https://s9.kh1.co/19/19e4db48ef7180281361ec330e568e1fdcb1c41e.jpg)
![](https://s9.kh1.co/f4/f41df4b8e6ff8aabf14d2674f78c2277596319d3.jpg)
![](https://s9.kh1.co/02/02e51d2f3879a76f55f11cdeeaecb9dba4231685.jpg)
![](https://s9.kh1.co/91/917e8d6ed9ed6847306434bef7ebef518f4edb4a.jpg)
![](https://s9.kh1.co/64/64a482be1759d26b45860611593a9d2823a70c2d.jpg)
![](https://s9.kh1.co/b2/b28c74ff4f233d109ef6b7150b5dda3b0c874372.jpg)
![](https://s9.kh1.co/5e/5e829b4fed721538a813c1ce519c2cca5639d12c.jpg)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]