នៅចាំទេ? ប្ដីប្រពន្ធតួអង្គក្នុងរឿង «បងប្អូនទាំង១០» កាន់តែបង្ហាញភាពផ្អែមល្ហែមបែបនេះ

ហុងកុង៖ ជឿជាក់ថា ប្រិយមិត្តដែលបានតាមដានខ្សែភាពយន្តភាគរឿង «បងប្អូនទាំង១០» ប្រាកដជាបានស្គាល់ គូស្វាមីភរិយា​តារា​ហុងកុង លោក Frankie Lam និង​ភរិយា តារា​សម្ដែងស្រី Kenix Kwok ដែលបច្ចុប្បន្ន ជីវិតពិតរបស់អ្នកទាំងពីរ ពិតជាមានភាពស្រស់បំព្រង និងតែង​តែ​បង្ហាញពីការ​កម្សាន្ត​យ៉ាងកក់ក្ដៅ នៅក្នុងគ្រួសារ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក ថ្មីៗនេះ យោងតាមសារព័ត៌មាន ​​ON បានឱ្យដឹងថា ប្ដីប្រពន្ធតារាប្រុសស្រីអ្នកទាំងពីរ បាននាំកូនស្រីវ័យ ១៣ ឆ្នាំ Tania ទៅលេងកម្សាន្តនៅទីក្រុងសេអ៊ូល ប្រទេសកូរ៉េខាងត្បូង ព្រមទាំងបានបង្ហោះរូបថតជុំគ្រួសារទាំងមូលជាមួយគ្នា បង្ហាញពីដំណើរកម្សាន្តដ៏គួរឱ្យចាប់អារម្មណ៍របស់ពួកគេ ទៀតផង។

គួររំឮកផងដែរថា នេះមិនមែនជាលើកដំបូងដែលពួកគេបានបង្ហាញពីក្ដីសុខនោះទេ ខណៈដែលកាលពីមុននោះ នៅក្នុងខែមីនាកន្លងទៅ ពួកគេក៏បានប្រារព្ធខួបអាពាហ៍ពិពាហ៍ ១៩ ឆ្នាំ ពោរពេញដោយសុភមង្គល ផងដែរ៕

ប្រភព៖ Ngoisao.net

• រូបភាព
• តារាចិន