យល់ដឹង៖ ជាការពិតណាស់ ពិធីបុណ្យភ្ជុំបិណ្ឌ និង ពិធីបុណ្យកាន់បិណ្ឌ គឺជាទំនៀមទម្លាប់ដែលប្រជាជនខ្មែរមានជំនឿតាំងពីបុរាណកាល មកដល់បច្ចុប្បន្នក៏នៅតែប្រកាន់យ៉ាងខ្ជាប់ខ្ជួន។ ចំពោះនៅថ្ងៃពិធីបុណ្យកាន់បិណ្ឌ គឺតែងតែប្រារព្ធឡើងជារៀងរាល់ឆ្នាំ ចាប់ថ្ងៃ១រោច ខែភទ្របទ រហូតដល់ថ្ងៃ១៥រោច ខែដដែលនេះ។
![](https://s9.kh1.co/7e/7e8d12096a5ec41be023c0d0106efb9dd2fab113.jpg)
បើយោងតាមទំនៀមទម្លាប់នៃបុណ្យកាន់បិណ្ឌនេះ គឺប្រជាពលរដ្ឋនាំគ្នាដាក់វេនគ្នា ធ្វើចង្ហាន់ប្រកេនព្រះសង្ឃដែលគង់ចាំព្រះវស្សានៅឯវត្តអារាម។ ចំណែកឯ ជំនឿមួយទៀតដែលគេតែងតែប្រារព្ធធ្វើជារៀងរាល់ថ្ងៃបុណ្យកាន់បិណ្ឌនេះ គឺជា ការបោះបាយបិណ្ឌ ឧទ្ទិសកុសលដល់ជីដូនជីតាសាច់ញាតិដែលបានចែកឋានទៅនៅឋានទេវលោក។
![](https://s9.kh1.co/61/6157d253260e750134e5858bafd766a65794994e.jpg)
ជាមួយគ្នានេះ ការបោះបាយបិណ្ឌ គឺចាប់ពីផ្ដើមពីម៉ោង៤ទាបភ្លឺ មនុស្សម្នារនាំគ្នាធ្វើបាយបិណ្ឌ ឬ មាននំចំណីទៅតាមការចាត់ចែងរបស់ខ្លួន ដើម្បីរៀបចំដាក់លើចានម្នាក់មួយចាន យកទៅវត្ត ដើម្បីធ្វើការបោះបាយបិណ្ឌនេះ។ ដោយឡែក បច្ចុប្បន្ននេះ គេសង្កេតឃើញថា ប្រជាពលរដ្ឋ ក៏ដូចជាយុវវ័យ មិនមានការនិយមនាំគ្នាទៅបោះបាយបិណ្ឌ ដូចពីមុនទៀតនោះឡើយ។
![](https://s9.kh1.co/93/9307f6653734f4dcf2ec59e4f07cc3d455395d32.jpeg)
ទន្ទឹមនឹងសម័យបច្ចេកវិទ្យាទំនើបនេះទៀតផងនោះ យុវវ័យហាក់ដូចជាមិនយកចិត្តទុកដាក់ចំពោះអំបិយជំនឿ ទំនៀមទម្លាប់ ការក្រោកពីព្រលឹម ដើម្បីធ្វើការបោះបាយបិណ្ឌនោះឡើយ។ ជាពិសេស នៅក្នុងការបោះបាយបិណ្ឌនេះ គឺមិនមែនតម្រូវឲ្យមនុស្សគ្រប់គ្នាត្រូវគោរពតាមនោះទេ បើយោងតាមព្រះពុទ្ធសាសនា គឺគ្មានការបោះបាយបិណ្ឌនោះទេ ដោយពិធីនេះ ទើបតែកើតមកក្រោយទៅតាមជំនឿ និង រឿងព្រេងពីបុរាណ្យប៉ុណ្នោះ។
![](https://s9.kh1.co/9a/9a55ad929a707478d02737b7f2429eee676a1cf0.jpg)
លើសពីនោះទៅទៀត យុវវ័យសម័យឌីជីថល មានការពិចារណាខ្ពស់ វិទ្យាសាស្ត្រនិយម មិនងាយនឹងជឿលើអបិយជំនឿដែលពួកគេមើលមិនឃើញនោះទេ ហើយដែលសំខាន់ វាក៏មិនខុសអីដែរ ដែលអ្នកចង់ទៅបោះបាយបិណ្ឌ ឬអ្នកមិនទៅបោះ។
![](https://s9.kh1.co/03/03c6dd56d34af7e8dfa507e62e8a8e8664d4795c.jpg)
ម៉្យាងទៀត ពួកគេគិតថា ការយកចង្ហាន់ទៅវត្តក្នុងថ្ងៃបុណ្យកាន់បិណ្ឌ ក៏ជាការឧទ្ទិសកុសលផលបុណ្យដល់បុព្វបុរសដូនតាញាតិកាទាំង២សណ្ដានផងដែរ។ ដូច្នេះ ការបោះបាយបិណ្ឌ ចំពោះយុវវ័យសម័យនេះ គឺពួកគេមិនសូវមានជំនឿទៅលើពពួកប្រេតនោះទេ។
![](https://s9.kh1.co/bc/bc33ae16e44db81e6b572c518384eb89e662b26f.jpg)
ហើយពួកគេផ្ដល់ភាពសំខាន់ដល់ការគេងបានគ្រប់គ្រាន់ មិនចាំបាច់ងើបពីព្រឹកព្រលឹមពេកនោះទេហើយដែលសំខាន់ទៅទៀតនោះ យុវវ័យសម័យបច្ចុប្បន្ន ផ្ដោតទៅលើការជួបជុំសាច់ញាតិមានជីវិតនៅឡើយ ដែលនៅរងចាំពួកគេនៅឯស្រុកកំណើតជាជាងសាច់ញាតិដែលស្លាប់ទៅហើយ៕
អត្ថបទដោយ៖ Min
![](https://s9.kh1.co/ae/ae47f314a49c07e90e97124beaa626637d547d54.jpg)
![](https://s9.kh1.co/9c/9cd0e7876f2075f48f086e5bdc13267cd85bb341.jpg)
![](https://s9.kh1.co/e2/e29b1a72ff5e7962ad62447efca2df2c4d4b15b0.jpg)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]