ស្នេហា៖ មនុស្សប្រុសជាភេទមួយដែលមិនសូវបញ្ចេញអារម្មណ៍នោះទេ ហើយក៏មិនងាយយំដែរ ព្រោះយើងគ្រប់គ្នាកើតមកសុទ្ធតែរំពឹងទុកថា មនុស្សប្រុសត្រូវតែរឹងមាំគ្រប់ពេល ហាមបង្ហាញភាពទន់ជ្រាយជាដើម។ យ៉ាងណាមិញ ធាតុពិតគឺមនុស្សប្រុសជាមនុស្សដូចតែមនុស្សស្រីហ្នឹងឯង ចេះមានអារម្មណ៍ ចេះខឹង ចេះខ្លាច ចេះទន់ជ្រាយ ចេះឈឺចាប់ គ្រាន់តែពូកែលាក់ដោយសារតែសង្គម ទើបមិននិយាយចេញមក។
![](https://s9.kh1.co/76/760b497a4b4e1666f329c37e021f93a40b5da59a.png)
ខាងក្រោមនេះជារឿង៨យ៉ាង ដែលបុរសចង់ឲ្យអ្នកដឹងដោយមិនចាំបាច់ប្រាប់៖
១. បុរសក៏ចង់ឲ្យគេសរសើរដែរ
មនុស្សស្រីចូលចិត្តតែងខ្លួនស្អាតៗ ដើម្បីឲ្យគេសរសើរ ព្រោះពេលត្រូវសរសើរម្ដងៗ នាងមានអារម្មណ៍ល្អចំពោះខ្លួនឯងណាស់។ យ៉ាងណាមិញ មិនខុសពីនារីទេ បុរសក៏ចង់បានពាក្យសរសើរពីមនុស្សដែលខ្លួនស្រលាញ់ដែរ គ្រាន់តែនិយាយមិនចេញ ហើយពេលខ្លះក៏ខំប្រឹងធ្វើដូចជាមិនខ្វល់ ទើបមនុស្សស្រីតែងតែមើលរំលងចំណុចនេះ ដែលការពិតទៅ បុរសចង់បានពាក្យសរសើរដែរ។
២. កុំសរសើរតែសម្រស់ស្រស់សង្ហាបើសិនជាអ្នកសរសើរគេ
កុំសរសើរតែសម្រស់ខាងក្រៅ បុរសតែងចង់ឲ្យអ្នកសង្កេតមើលគេឲ្យលម្អិត ហើយតាមមើលគុណសម្បត្តិរបស់គេ ដូចជាការចំអិនម្ហូបរបស់គេ ការមើលថែកូនៗរបស់គេ ជាដើម។ នាពេលក្រោយ បន្ទាប់ពីសរសើរពីរូបរាងគេហើយ អ្នកគួរសរសើរគេនូវរឿងអ្វីផ្សេងៗដែលអ្នកមើលឃើញថាគេល្អ។
![](https://s9.kh1.co/f5/f587d6a2db054f8d96d9f367f05f257812a09add.png)
៣. ការនិយាយត្រង់ៗគឺបញ្ជាក់ថាគេខ្វល់ខ្វាយពីអ្នក
មនុស្សប្រុសខ្លះសម្ដីរាងឆ្គង រាងធ្ងន់ ស្ដាប់ទៅមិនចូលត្រចៀក ចូលចិត្តនិយាយការពិត(ជ្រុលពេក)រហូតពេលខ្លះមនុស្សស្រីមានការអាក់អន់ស្រពន់ចិត្ត។ ឧទាហរណ៍ បើសិននារីជាសង្សារសួរគេតើនាងមើលទៅឡើងគីឡូជាងមុនឬអត់? បុរសតែងតែចង់ឆ្លើយសំណួរដែលស្មោះត្រង់ឥតលាក់លៀមនឹងនាង ដោយភ្លេចគិតពីការថ្នាក់ថ្នមទឹកចិត្ត តែការនិយាយត្រង់ៗរបស់គេនេះគ្មានគោលបំណងអាក្រក់ទេ គឺមានន័យថាគេខ្វល់ខ្វាយពីអ្នកខ្លាំង។
៤. គេចង់ជួយមនុស្សជាទីស្រលាញ់
រាល់ពេលអ្នកមានទុក្ខលំបាក គេតែងតែចង់ហុចដៃមកជួយអ្នក និងមនុស្សដែលគេស្រលាញ់ ទោះបីអ្នកមិនចង់ឲ្យគេជួយក៏ដោយ។ បុរសតែងតែចង់ឲ្យគេពឹងពាក់មកលើខ្លួន ដើម្បីឲ្យគេមានអារម្មណ៍ថាគេអាចការពារមនុស្សជាទីស្រលាញ់បាន។
![](https://s9.kh1.co/30/30de206a85880ea89a34aa814524c1ed168f5b78.png)
៥. គេត្រូវការពេលវេលាផ្ទាល់ខ្លួន
បុរសៗតែងចង់មានពេលវេលាផ្ទាល់ខ្លួនមួយ ដែលគេអាចធ្វើអីដែលគេស្រលាញ់ តាមចិត្តរបស់គេចង់ ដោយមិនមានអ្នកមករំខានសូម្បីតែនារីដែលគេស្រលាញ់។ ធ្វើបែបនេះ មិនមែនមានន័យថាគេមិនស្រលាញ់មិនខ្វល់ពីអ្នកទេ គឺគេគ្រាន់តែចង់មានពេលសម្រាប់ខ្លួនឯង ដូច្នេះស្រីៗមិនគួរតោងទាមគេពេកទេ គឺទុកពេលឲ្យបុរសៗបានដកដង្ហើមខ្លះផង។
៦. គេមិនរឹងមាំគ្រប់ពេលនោះឡើយ
នេះជាអ្វីដែលបុរសចង់ឲ្យនារីៗដឹង គឺពួកគេមិនមែនអង្គុយចាំតែរឹងមាំរហូតទេ គឺមានពេលខ្លះដែលបុរសចង់យំ មានអារម្មណ៍ទន់ជ្រាយ ចង់រកទីពឹងពាក់និងអ្នកប្រឹក្សាយោបល់ដូចគ្នា។ ដូច្នេះហើយនៅពេល មិត្តប្រុសរបស់អ្នកចូលមករកអ្នក និងចង់ឲ្យអ្នកលួងលោមគេ សូមកុំបណ្ដុះបង្អាប់គេ ជំនួសមកវិញត្រូវលួងលោមផ្ដល់កម្លាំងចិត្តឲ្យគេ ដើម្បីឲ្យគេដឹងថាគេមានអ្នកចាំស្ដាប់រឿងក្នុងចិត្ត៕
![](https://s9.kh1.co/2e/2e36fc5861c3e839ca18bb5a976c379497b32e78.png)
ប្រភព៖: goodmenproject
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]