ដូចត្រឡប់ទៅអតីតកាល ទិដ្ឋភាពដ៏អស្ចារ្យខ្សែភាពយន្ដបរទេស Angelina Jolie ថតនៅក្នុងប្រាសាទអង្គរវត្ត (មានវីដេអូ)

កម្សាន្ត៖ កាលពីពេលថ្មីៗនេះ មហាជនដែលលេងបណ្ដាញសង្គមនាំគ្នាបង្ហាញការចាប់អារម្មណ៍ទៅកាន់វីដេអូខ្សែភាពយន្ដបរទេសមួយត្រង់វគ្គ ដែលគេបានមកថតនៅក្នុងប្រាសាទអង្គរវត្តខ្មែរ ក្នុងទឹកដីខេត្តសៀមរាប។ ជាពិសេស គេបានរៀបចំឲ្យមានប្រជាជនរស់នៅប្រកបរបរផ្សេងៗលើទឹកនៃបរិវេណប្រាសាទទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះដែរ ភាពយន្ដបរទេសមួយនេះ សម្ដែងដោយលោកស្រី Angelina Jolie ដែលបានធ្វើឲ្យខ្លួនលង់ស្រឡាញ់ទឹកដីនៃប្រទេសកម្ពុជារហូតមកដល់បច្ចុប្បន្ននេះ។ លើសពីនោះទៀត យើងក៏បានស្ដាប់ លោកស្រី Angelina Jolie និយាយភាសារខ្មែរផងដែរ។​

មិនតែប៉ុណ្ណោះ បើក្រឡេកទៅមើលការរៀបចំសម្ដែងនៅក្នុងប្រាសាទអង្គរវត្តវិញ យើងឃើញមានព្រះសង្ឃគង់នៅក្នុងប្រាសាទពិតជាអស្ចារ្យមែនទែន។ ចំណែកឯ បរិវេណក្រៅប្រាសាទអង្គរវត្ត គេបានរៀបចំឲ្យមានអ្នកភូមិរស់នៅ ប្រកបរបរចិញ្ចឹមជីវិតយ៉ាងសំបូរបែប មានទាំងលក់នំ បង្អែម មនុស្សម្នារយ៉ាងរស់រវើក។

និយាយឲ្យចំ ទិដ្ឋភាពនេះ គឺយើងបានឃើញតែនៅក្នុងរឿងនេះតែប៉ុណ្ណោះ វាប្រៀបបានដូចជានាំប្រជាជនខ្មែរឲ្យត្រឡប់ទៅកាន់អតីតកាលនាសម័យមុន។ គួរបញ្ជាក់ផងដែរថា ខ្សែភាពយន្ដអន្តរជាតិមួយនេះ មានចំណងជើងថា Tomb Raider ដែលទទួលបានការគាំទ្រយ៉ាងខ្លាំងក្លាកាលពីឆ្នាំ២០០១៕

ប្រភព៖ Directions / ទិសដៅ

ខាងក្រោមនេះជាទិដ្ឋភាពខ្លះៗនៃការសម្ដែងនៅក្នុងប្រាសាទអង្គរវត្តដែលបង្ហាញពីជីវភាពប្រជាជនខ្មែរ៖ 

• វីដេអូ
• តារាអន្តរជាតិ