ប្រទះឃើញវីដេអូចាស់ៗរបស់ តារារ៉េប​ Ruthko ហ្វេននាំគ្នាសើចផ្អើលពេញហ្វេសប៊ុក(មានវីដេអូ)

កម្សាន្ត៖ ជឿជាក់ថា ប្រិយមិត្តយុវវ័យ ដែលនិយមចូលចិត្តស្ដាប់ចម្រៀងរ៉េបរបស់ខ្មែរ ច្បាស់ជាស្គាល់ តារារ៉េប Ruthko ដែលលោកជាម្ចាស់បទ Stay the Same។​ មិនតែប៉ុណ្ណោះ ប្រិយមិត្តក៏អាចនឹងស្គាល់តារាប្រុសរូបនេះ តាមរយៈកម្មវិធី The Rapper Cambodia ដែលលោកគឺជា Coach មួយរូបផងដែរ។

ទន្ទឹមនឹងនោះ ថ្មីៗនេះ លោក Ruthko បានធ្វើឲ្យមហាជននៅក្នុងបណ្ដាញសង្គមហ្វេសប៊ុក​មានការចាប់អារម្មណ៍ជាខ្លាំង តាមរយៈវីដេអូក្លីបចាស់ៗ ដែលពួកគេបានស្វែងរកយកមកមើល ហើយក៏បានចែកចាយបង្កជាសំណើចដល់អ្នកទស្សនា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះ វីដេអូទាំងនោះ សុទ្ធតែជាវីដេអូខ្លីៗបែបកំប្លែង កាលពីប៉ុន្មានឆ្នាំមុន ដែលតារាចម្រៀងរ៉េបដ៏ល្បីល្បាញរូបនេះ ធ្លាប់បានថតបង្ហោះទៅកាន់មហាជន។ លើសពីនោះ កាលពីមុនរូបលោកមិនទាន់ប្ដូរស្ទាយ៍តែងខ្លួន ក៏ដូចជារូបរាង មើលឃើញនៅក្មេងស្រឡាងនៅឡើយ ដែលខុសពីបច្ចុប្បន្ន សង្ហាមើលខុសគ្នាដូចមេឃនិងដី៕

ប្រភព៖ Ruthko

• វីដេអូ
• តារាខ្មែរ