ភ្នំពេញ៖ ជាការពិតណាស់ ស្ពានបេតុងខ្សែកាបកោះនរា ឆ្លងពីទីក្រុងកោះពេជ្រ ទៅទីក្រុងកោះនរា ស្ថិតក្នុង ខណ្ឌច្បារអំពៅ និងខណ្ឌចំការមន កំពុងតែសាងសង់ជិតរួចរាល់ជាស្ថាពរហើយ។ កាលពីថ្មីៗនេះ ទំព័រផេកផ្លូវការរបស់ឯកឧត្ដម កើត ឆែ អភិបាលរងរាជធានីភ្នំពេញ បានសារជូនជាដំណឹងទៅកាន់ប្រជាពលរដ្ឋនៅភ្នំពេញអំពីការបើកឲ្យធ្វើចរាចរណ៍ជាបណ្ដោះអាសន្ន។
![](https://s9.kh1.co/bc/bc8d5013ac1beabfe027840cd919172087d0d472.jpg)
ជាពិសេស នាឪកាសបុណ្យភ្ជំបិណ្ឌដែលមានរយៈពេល៣ថ្ងៃ ដែលត្រូវនឹងថ្ងៃទី១៣ ១៤ ១៥ ខែតុលា ឆ្នាំ២០២៣ខាងមុខនេះ ដែលអាចធ្វើឱ្យប្រជាពលរដ្ឋចំណេញពេលវេលា និងថវិកាក្នុងការធ្វើដំណើរ សម្តេចមហាបវរធិបតី ហ៊ុន ម៉ាណែត សម្រេច៖
![](https://s9.kh1.co/ed/ed4f660f49b0b6689d756b53d305430da101e897.jpg)
១. អនុញ្ញាតឱ្យប្រើប្រាស់ជាបណ្តោះអាសន្ននូវស្ពានខ្សែកាប តភ្ជាប់រវាងតំបន់អភិវឌ្ឍកោះនរា និងតំបន់អភិវឌ្ឍកោះពេជ្រ រយៈពេល ០៣ (បី) ថ្ងៃ ចាប់ពីថ្ងៃទី១៣ ដល់ថ្ងៃទី១៥ ខែតុលា ឆ្នាំ២០២៣ នៃពិធីបុណ្យភ្ជុំបិណ្ឌ ដោយប្រើប្រាស់ផ្លូវស្ពានមួយចំហៀង សម្រាប់ការធ្វើចរាចរណ៍ទ្វេទិស និងកំណត់ទម្ងន់មធ្យោបាយដឹកជញ្ជូនឆ្លងកាត់ ត្រឹមទម្ងន់៥ តោន ចុះក្រោម។ រដ្ឋបាលរាជធានីភ្នំពេញនឹងធ្វើការបិទចរាចរណ៍ឆ្លងកាត់ស្ពាននេះវិញ ក្រោយបញ្ចប់ពិធីបុណ្យភ្ជុំបិណ្ឌដើម្បីឱ្យក្រុមហ៊ុន O.C.I.C បន្តអនុវត្តការងារដែលនៅសល់ ឱ្យបានចប់សព្វគ្រប់។
![](https://s9.kh1.co/8b/8b11f6a1df5a3b3f7b18a5002ea86bb4500329a1.jpg)
២. អនុញ្ញាតឱ្យប្រើប្រាស់ជាបណ្តោះអាសន្ននូវស្ពានខ្សែកាប តភ្ជាប់រវាងតំបន់អភិវឌ្ឍកោះនរា និងតំបន់អភិវឌ្ឍកោះពេជ្រ ចន្លោះពីថ្ងៃទី២០-២៣ ខែតុលា ឆ្នាំ២០២៣ តទៅ ក្រោយពីក្រុមហ៊ុន O.C.I.C បញ្ចប់ការដ្ឋានសាងសង់ស្ពានទាំងស្រុង។
ក្រោយពីមហាជនដឹងដំណឹងនេះហើយ នាំគ្នាមានអារម្មណ៍រំភើបជាខ្លាំង ដោយជិតបានធ្វើដំណើរឆ្លងកាត់ស្ពានដ៏ស្រស់ស្អាតមួយនេះ៕
ប្រភព៖ Koeut Chhe
![](https://s9.kh1.co/78/786d5e16f17bf0b2cf692024af7c013ffbb5370e.jpg)
![](https://s9.kh1.co/da/da5b349810c18c0074b4196b1828e11247c20b73.jpg)
![](https://s9.kh1.co/f0/f0706c8b83843a98d27ad507b6b49348b6515c81.jpg)
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]