Tom Holland និង Zendaya ចេញបណ្ដើរគ្នា ឡើងផ្អែមល្ហែម

បរទេស៖ ថ្មីៗនេះ បានធ្វើឲ្យហ្វេនៗជាច្រើន ផ្ទុះការចាប់អារម្មណ៍យ៉ាងខ្លាំង ចំពោះតារាសម្ដែងភាពយន្ត «Spider-Man» ដ៏ល្បី លោក Tom Holland និងគូស្នេហ៍ តារាស្រី Zendaya ដែលបានបង្ហាញខ្លួនជាមួយគ្នា ពេលចេញកម្សាន្ត ក្នុងទីក្រុងឡុងដ៍កាលពីថ្ងៃអាទិត្យ កន្លងទៅនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ តារាប្រុសស្រីទាំងពីររូបនេះ បានបង្ហាញពីទំនាក់ទំនងស្នេហាដ៏ស្អិតរមួត ពោរពេញដោយភាពផ្អែមល្ហែម ពេលចេញកម្សាន្តជាមួយគ្នា នៅក្នុងឧទ្យានមួយ ស្របពេលដែល តារាស្រី Zendaya ដើរកៀកស្មារបស់ Tom Holland យ៉ាងល្អូកល្អើន ទៀតផង។ 

មិនត្រឹមតែប៉ុណ្ណោះ គូស្នេហ៍អ្នកទាំងពីរក៏ត្រូវបានគេយកចិត្តទុកដាក់ ចំពោះការតុបតែងខ្លួនខាងក្រៅ ខណៈដែល តារាស្រី Zendaya បង្ហាញស្ទាយ៍យ៉ាងសាមញ្ញ រក្សាមុខ​ទទេស្អាត ​ពាក់​អាវយឺត​និងខោជើងវែងធម្មតា ផងដែរ៕ 

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ