យូរៗទៅលេងស្រុកកំណើតម្ដង តើគួរឆ្លើយបែបណានៅពេលដែលអ្នកជិតខាងសួរសំណួរទាំងនេះ

យល់ដឹង៖ ជាការពិតណាស់ នៅរដូវបុណ្យទានមនុស្សម្នារសម្រាកពីការងារនាំគ្នាទៅលេងស្រុកកំណើត ដើម្បីទៅជួបជុំគ្រួសារដែលនៅរងចាំដោយក្ដីនឹករលឹក។ ស្របពេលដែលទៅលេងស្រុកកំណើតនោះ ក្រៅពីការសួរសុខទុក្ខពីក្រុមគ្រួសារហើយនោះ អ្នកអាចនឹងត្រូវអ្នកជិតខាងឬសាច់ញាតិសួរសុខទុក្ខផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះដែរ សំណួរខ្លះវាអាចនឹងពិបាកឆ្លើយ ឬវាអាចធ្វើឲ្យប៉ះពាល់អារម្មណ៍យើង ដែលធ្វើឲ្យយើងមិនចង់ឆ្លើយនឹងសំណួរទាំងនោះទៀតផង។ ប៉ុន្ដែទោះបីជាអ្នកមិនចង់ជួបប្រទះសំណួរទាំងនេះយ៉ាងណាក៏ដោយ អ្នកជិតខាងនៅតែជាអ្នកជិតខាង អ្នកមិនអាចគេចបានរហូតនោះទេ។

ដូចនេះ ប្រសិនបើអ្នកជួបសំណួរដូចខាងក្រោមនេះ អ្នកគួរតែឆ្លើយដោយចិត្តត្រជាក់ និង កុំយកចិត្តទុកដាក់នឹងសំណួរទាំងនោះ។ បើអ្នកជួបសំណួរបែបនេះនៅពេលទៅលេងស្រុកកំណើត ឬ ជួបមនុស្សដែលបែកគ្នាយូរ សូមឆ្លើយដូចខាងក្រោម៖​ 

១. ដូចជាស្គម/ធាត់ជាងមុន?

- សុខភាពខ្ញុំវាប្រែប្រួលបន្ដិច ទើបបណ្ដាលឲ្យរាងកាយបែបនេះ

២. មុខឡើងមុនច្រើនម្ល៉េះ?

- មិនច្បាស់ដែរ ប៉ុន្ដែខ្ញុំកំពុងតែព្យាបាលវា

៣. ធ្វើការខាងអី ប្រាក់ខែប៉ុន្មាន?

- ធ្វើការខាង...ប្រាក់ខែបានម៉ាល្មមទេ 

ប្រើសិនបើគេចេះតែសួរជីកឬសរកចំនួនប្រាក់ខែទៀត អ្នកគួរឆ្លើយថា៖ រឿងសម្ងាត់ក្រុមហ៊ុនគេមិនឲ្យបញ្ចេញទេ ប៉ុន្ដែកុំបារម្ភ ប្រាក់ខែខ្ញុំវាមិនតិចពេកក៏មិនច្រើនដែរ។

៤. កាលណាយកប្រពន្ធ/ប្ដី? ឬ កាលណាយកកូន?

- រឿងនេះ ចាំខ្ញុំត្រៀមរួចរាល់សិន បច្ចុប្បន្នខ្ញុំមិនទាន់គិតទេ

៥. ធ្វើការរាល់ថ្ងៃសល់អ្វីខ្លះហើយ?

- ទោះមិនទាល់សល់អ្វី ប៉ុន្ដែខ្ញុំកំពុងសន្សំ

• រូបភាព