កម្សាន្ត៖ ប្រិយមិត្តដែលនិយមតាមដានបណ្ដាញសង្គមច្បាស់ជាស្គាល់ ស្រីនា និង ហេង វិសាល ដែលជាគូស្នេហ៍តារា Influencer ដ៏ល្បីល្បាញនៅក្នុងប្រទេសកម្ពុជា ដែលពួកគេបានចូលរោងភ្ជាប់ពាក្យកាលពីថ្ងៃទី៩ ខែតុលារ ឆ្នាំ២០២២ ដែលធ្វើឲ្យកក្រើកអ៉ិនធើណែកាលពីឆ្នាំមុននេះ។
ទន្ទឹមនឹងនោះ ពេលវេលាចេះតែដើរទៅមុខ រំលងបាន១ឆ្នាំ ក្នុងនាមជាគូដណ្ដឹង ហេង វិសាល និង ស្រីនា កាន់តែបង្ហាញភាពផ្អែមល្ហែមជាសាធារណៈធ្វើឲ្យមហាជនច្រណែនជាខ្លាំង។ ជាមួយគ្នានេះដែរ ក្នុងថ្ងៃគម្រប់ខួប១ឆ្នាំកាលពីម្សិលមិញនេះ ស្រីនា បានបង្ហោះរូបជាមួយគូដណ្ដឹងជាមួយនឹងសារយ៉ាងល្អុកល្អើន។
នៅក្នុងនោះ តារាស្រីវ័យ២២ឆ្នាំរូបនេះ បានបង្ហាញរូបភាព៤សន្លឹក ថតជាគូជាមួយនឹង វិសាល ដោយបានភ្ជាប់ជាមួយនឹងខេបសិនថា ខ្លួនបានស្វែងរកឃើញ Soulmate ឬដៃគូ ដែលព្រមទទួលយកគ្រប់យ៉ាងដែលខ្លួនមាន រីករាយថ្ងៃគម្រប់ខួប១ឆ្នាំក្នុងនាមជាគូដណ្ដឹង។
ក្រោយពីបានអាន និង ឃើញរូបភាពដ៏គួរឲ្យច្រណែនទាំងនេះហើយ មហាជននាំគ្នាចូលខមិនអបអរគ្រប់ៗគ្នា ហើយពួកគេរំភើបជំនួសគូស្នេហ៍អ្នកទាំងពីរ ថែមទាំងទន្ទឹងរងចាំតែថ្ងៃចែកធៀបការប៉ុណ្ណោះ៕
ប្រភព៖ SreyNea Nea
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
