និស្សិតខ្មែរ៣នាក់ ដែលនៅតំបន់ Karmia ចំងាយ ៤គីឡូពីតំបន់ហ្កាហ្សា ត្រូវបានជម្លៀសទៅកាន់កន្លែងមានសុវត្ថិភាព

អ៉ីស្រាអែល៖ និស្សិតខ្មែរ៣នាក់ ដែលកំពុងសិក្សានៅកសិដ្ឋានគោទឹកដោះក្នុងតំបន់ Karmia ចំងាយប្រមាណ ៤គីឡូពីតំបន់ហ្គាហ្សា ត្រូវបានជម្លៀសទៅកាន់កន្លែងមានសុវត្ថិភាពហើយ ក្រោយមានកិច្ចអន្តរាគមន៍ពីរាជរដ្ឋាភិបាល ក្រសួងការបរទេស មន្រ្តីទូត និងអាជ្ញាធរអ៉ីស្រាអែល។

បើតាម និស្សិត ស៊ុំ ភិរុណ បានឲ្យដឹងថា នៅពេលនេះពួកគេទាំង៣នាក់ បានមកដល់កន្លែងសុវត្តិភាពហើយ​។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោកបានបន្តថា មុនពេលមានកិច្ចអន្តរាគមន៍ ពួកគាត់មានការភ័យខ្លាចយ៉ាងខ្លាំង ដោយសារគ្រាប់ធ្លាក់នៅក្បែរកសិដ្ឋាន និងមានការបាញ់ប្រហារគ្នាយ៉ាងខ្លាំង ហើយអ្វីដែលព្រួបារម្ភខ្លាំងនោះស្បៀងអាហារក៏ជិតអស់ទៀត។

និស្សិតខាងលើ បានជូនពរដល់ ប្អូនៗ និងនិស្សិតកម្ពុជាយើងផ្សេងទៀត ចៀសផុតពីគ្រោះថ្នាក់ដ៏ធ្ងន់ធ្ងរនេះ៕

ប្រភព៖ ក្រសួងព័ត៌មាន