ផលិតកម្ម YG ប្រកាស​បង្ហាញ​ខ្លួន​ Baby Monster ជា​លើក​ដំបូង​ក្នុង​ខែ​វិច្ឆិកា​នេះហើយ!

កូរ៉េខាងត្បូង៖ ក្រុម​ចម្រៀង​ Baby Monster ជាកូនពៅ​របស់​ផលិតកម្ម YG Entertainment បាន​បញ្ជាក់​ជា​ផ្លូវ​ការ​ថា​នឹង​ចេញ បង្ហាញខ្លួន​ជា​លើក​ដំបូង​ ក្នុង​ខែ​វិច្ឆិកាខាងមុននេះ។

តាមប្រភពមួយបង្ហើបថា ​ខាងក្រុមហ៊ុន បានដំណើរការ​សម្រាប់​ការ​ថត​វីដេអូ​ចម្រៀង​នៅ​ចុង​ខែ​តុលា បូករួម ការ​ប្រកាស​ត្រូវ​បាន​ធ្វើ​ឡើង​នៅ​ថ្ងៃ​ទី ១០ ខែ​តុលា តាម​រយៈ​ការបង្ហោះ «coming soon» ដោយ​ហេតុ​នេះ​បញ្ជាក់​ពី​ការ​លេច​ចេញ​របស់ Baby Monster នៅ​លើ​វិស័យតន្ត្រី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងសេចក្តីថ្លែងការណ៍មួយ YG បានទទួលស្គាល់ថា «ពួកយើងមានភាពល្អិតល្អន់ក្នុងការជ្រើសរើសបទចម្រៀងដំបូងក្នុងគោលបំណងផ្តល់នូវលទ្ធផលល្អបំផុត។ យើងសុំការយោគយល់ទាក់ទងនឹងការពន្យារពេលបន្តិចចាប់ពីថ្ងៃចេញដំបូងរបស់យើងនៅខែកញ្ញា»។

បច្ចុប្បន្ននេះ សមាជិកក្រុម Baby Monster កំពុងហាត់សមក្បាច់រាំសម្រាប់ការសម្តែងលើកដំបូងរបស់ពួកគេ ហើយគ្រោងនឹងចាប់ផ្តើមថតវីដេអូចម្រៀងរបស់ពួកគេនៅចុងខែតុលា។ ក្រុមការងារទាំងមូលរបស់ YG ត្រូវបានគេរាយការណ៍ថាកំពុងធ្វើការដោយមិននឿយហត់ដើម្បីធានាបាននូវការបង្ហាញខ្លួនលើកដំបូងដោយជោគជ័យ៕

ប្រភព៖ Allkpop

• តារាកូរ៉េ