រូបមន្តធម្មជាតិទាំង៥ ជួយបន្តឹង និងកាត់បន្ថយភាពចាស់នៃស្បែក

យល់ដឹង៖ ស្បែក​របស់​យើង​នឹង​ចាប់ផ្តើម​បាត់បង់​ភាព​យឺត​បន្តិច​ម្តង​ៗ​ នៅ​ពេល​ដែល​យើង​មាន​វ័យ​កាន់​តែ​ច្រើន​។ កត្តា​នេះ​ហើយ​ ​ធ្វើ​ឲ្យ​ស្បែក​​ចាប់ផ្តើម​យារ​ធ្លាក់ និង​លេច​ចេញ​នូវ​ស្នាម​ជ្រីវជ្រួញ​ដ៏​គួរ​ឲ្យ​ស្អប់​ខ្ពើម។ អ៊ីចឹង​ហើយ​ ដើម្បី​ជួយ​ឲ្យ​ស្បែក​តឹង​ណែន​ល្អ​​ និង​ក្មេង​ជាង​វ័យ​ គ្នា​យើង​អាច​សាកល្បង​រូបមន្ត​ធម្មជាតិ​ទាំង​៥​​ខាង​ក្រោម​នេះ។

១. ការពារ​ស្បែក​ពី​ការ​បំផ្លាញ​ដោយ​កាំ​រស្មី​ UV

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការ​ប៉ះពាល់​ទៅ​នឹង​កម្តៅ​ថ្ងៃ គឺ​ជា​កត្តា​ចម្បង​ដែល​ធ្វើ​ឲ្យ​ស្បែក​​ឆាប់​ចាស់​ជាង​វ័យ​ និង​ខូច​ស្បែក។ ដូច្នេះ​ ដើម្បី​ការពារ​ស្បែក​ពី​ការ​បំផ្លាញ​ដោយ​កាំ​រស្មី​UV យើង​គួរ​ជ្រើសរើស​ក្រែម​ការពារ​កម្តៅ​ថ្ងៃ​ជា​​រៀង​រាល់​ថ្ងៃ និង​លាប​​​ជា​រៀង​រាល់​២​ម៉ោង​ម្តង​ នៅ​ពេល​ដែល​យើង​ចេញ​ទៅ​ខាង​ក្រៅ។

២. ប្រើ​ Retinoids

សារធាតុ​ Retinoids ដែល​មាន​នៅ​ក្នុង​ផលិតផល​ថែរក្សា​ស្បែក​មួយ​ចំនួន​ មាន​សមត្ថភាព​ខ្ពស់​ក្នុង​ការ​ផលិត​ជាតិ​ខូឡាជែន ​​ជួយ​ឲ្យ​ស្បែក​យឺត ​​ព្រម​ទាំង​កាត់បន្ថយ​ស្នាម​ជ្រីវជ្រួញ ​នៅ​ពេល​ដែល​យើង​ប្រើប្រាស់​ជា​ប្រចាំ។ យ៉ាង​ណា​មិញ សម្រាប់​គ្នា​យើង​ដែល​ទើប​ប្រើប្រាស់​ផលិតផល​នេះ គួរ​ចាប់ផ្តើម​ជាមួយ​នឹង​កម្រិត​ទាប និង​ប្រើប្រាស់​ទៅ​តាម​ការ​ណែនាំ​ពី​អ្នក​ជំនាញ។

ចង់ពិនិត្យជំងឺមហារីកសុដន់ ចុចទីនេះ!

ចង់ពិនិត្យជំងឺមហារីកមាត់ស្បូន ចុចទីនេះ!

៣. របប​អាហារ​សុខភាព​

​​ជាមួយ​គ្នា​នេះ​ដែរ របប​អាហារ​ដើរ​តួនាទី​យ៉ាង​សំខាន់​នៅ​ក្នុង​សុខភាព​ស្បែក។ ចំពោះ​របប​អាហារ​ដែល​មាន​តុល្យភាព ត្រូវ​សម្បូរ​ទៅ​ដោយ​សារធាតុ​ចិញ្ចឹម​​សំខាន់​ៗ វីតាមីន​ និង​សារធាតុ​ប្រឆាំង​នឹង​អុកស៊ីតកម្ម​ ដែល​អាច​ជួយ​ជំរុញ​​ដល់​ការ​ផលិត​ជាតិ​ខូឡាជែន និង​ជួយ​ឲ្យ​ស្បែក​មាន​សុខភាព​ល្អ។ អាហារ​ដែល​យើង​មិន​អាច​ខ្វះ​បាន​ មាន​ដូចជា​បន្លែ និង​ផ្លែឈើ ប្រូតេអ៊ីន​គ្មាន​ខ្លាញ់ (សណ្តែក សាច់​គោ​គ្មាន​ខ្លាញ់ ឬ​ទឹក​ដោះ​គោ​ដែល​មាន​ជាតិ​ខ្លាញ់​ទាប។ល។) ព្រម​ទាំង​ការ​ញ៉ាំ​ទឹក​ឲ្យ​បាន​គ្រប់គ្រាន់​ ។

  ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕         

អត្ថបទផ្ដល់សិទ្ធដោយ៖ Hello Krupet

• រូបភាព