បរទេស៖ ជាការពិតណាស់ បច្ចុប្បន្ននេះ អតីតកីឡាករ លោក David Beckham និង ភរិយា Victoria Beckham កំពុងទទួលបានការចាប់អារម្មណ៍យ៉ាងខ្លាំង ពីសាធារណជន នៅពេលដែលពួកគេបានចេញផ្សាយភាពយន្តឯកសារ កាលពីដើមខែតុលាខាងមុខនេះ ហើយក៏កាន់តែចាប់អារម្មណ៍ ជាមួយនឹងជីវិតប្ដីប្រពន្ធ ដ៏មានសុភមង្គលរយៈពេល២៤ឆ្នាំ របស់អ្នកទាំងពីរ ផងដែរ។
ដោយឡែក ជាមួយគ្នានេះដែរ ស្រាប់តែមានការបង្ហាញរូបភាពថ្មីមួយពីគូស្វាមីភរិយាមួយគូនេះ ជាមួយការបង្ហាញខ្លួនយ៉ាងស្រស់ឆើតឆាយ ខណៈដែល Victoria មើលទៅមានមន្តស្នេហ៍ក្នុងរ៉ូបsatin ជាមួយនឹងស្បែកជើងកែងខ្ពស់ពណ៌ក្រហម ពោរពេញដោយភាពលេចធ្លោ បើសូម្បីតែពេលនេះ នាងស្ថិតក្នុងវ័យ ៤៩ ឆ្នាំក៏ដោយ។
ទន្ទឹមនឹងនោះដែល អតីតកីឡាករបាល់ទាត់ លោក David Beckham មើលទៅក៏មានភាពស្រស់សង្ហា មិនចាញ់គ្នា នៅក្នុងឈុតឆ្នូតពណ៌ខៀវគូជាមួយអាវយឺតពណ៌ស។ ជាពិសេស អ្នកទាំងពីរបានទាញយកចំណាប់អារម្មណ៍យ៉ាងខ្លាំង នៅពេលបានចេញមក បង្ហាញភាពស្និទ្ធស្នាលកាន់ដៃគ្នា នៅកន្លែងមានមនុស្សកកកុញ ផងដែរ៕
ប្រភព៖ Kenh14
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
