សង្ហាដូច Boy Pakorn តារាតិកតុករូបសង្ហាចិត្តចោរ ផ្លោះរបងលួចដោះខ្សែជើងនារីម្នាក់ តែស៊យត្រូវគេចាប់ដាក់ខ្នោះ

ខេត្តកណ្ដាល៖ កាលពីថ្មីៗនេះ ផ្ទុះការចាប់អារម្មណ៍ទៅលើករណីចោររូបសង្ហារម្នាក់ត្រូវបានប៉ូលីសចាប់ខ្លួន ពាក់ព័ន្ធនឹងករណីលួច ដោយបានផ្លោះរបងទៅលួចទូរស័ព្ទ និង ដោះខ្សែជើងនារីម្នាក់ ដែលនាងកំពុងតែស្រវឹងដេកលង់លក់ ប៉ុន្ដែស៊យ ត្រូវបានម្ចាស់គេចាប់បានភ្លាមៗ។

អ្វីដែលធ្វើឲ្យមហាជនផ្ដោតទៅលើលោកចោររូបនេះ គឺរូបគេជាតារា TikTok ម្នាក់ ដែលមានរូបសម្បត្តិសង្ហា មានអាជីពជាអ្នកបញ្ចូលចម្រៀង និង ទិញលក់ទូរស័ព្ទ។ លើសពីនោះ ជនសង្ស័យរូបនេះ ត្រូវបានគេចាប់អារម្មណ៍សម្រស់ថា មានមុខមាត់ស្រដៀងតារាថៃម្នាក់គឺ តារាប្រុស Boy Pakorn។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើទោះបីជាយ៉ាងណាក៏ដោយ ចោរសង្ហាដែលមានឈ្មោះថា ចាន់ តុលា រូបនេះ ត្រូវបានកម្លាំងប៉ូលីសចាប់ឃាត់ខ្លួន ដើម្បីបញ្ចូនទៅកាន់ស្នងការនគរបាលខេត្តកណ្តាលធ្វើការតាមផ្លូវច្បាប់៕

ប្រភព៖ LOGAN By CN

• រូបភាព
• តារាថៃ