យល់ដឹង៖ ការទទួលទានដំណេក គឺជាសកម្មភាពមួយដ៏សំខាន់សម្រាប់មនុស្សរាល់រូប ព្រោះបើអ្នកគេងមិនស្កប់ស្កល់ឬមិនគ្រប់គ្រាន់ទេ នឹងអាចវិវត្តន៍ទៅជាជំងឺផ្សេងៗដែលប៉ះពាល់ ទាំងផ្លូវកាយនិងផ្លូវចិត្ត។
យ៉ាងណាមិញ យើងម្នាក់ៗតែងតែចង់ឲ្យខ្លួនឯងគេងលក់ស្រួល ដាក់លក់ភ្លឹងៗ ហើយរបបអាហារគឺពិតជាសំខាន់ខ្លាំង ព្រោះប្រភេទអាហារខ្លះ អ្នកមិនគួរយកមកទទួលទានមុនគេងនោះឡើយ៖
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. សូកូឡា
សូកូឡាអាចនឹងឆ្ងាញ់ខ្លាំង សម្រាប់មនុស្សខ្លះព្រោះវាមានជាតិផ្អែមលាយល្វីងតិចៗ ប៉ុន្តែបើសិនជាទទួលទានវាមុនដំណេក គឺពិតជាមិនល្អទេ គឺធ្វើឲ្យអ្នកពិបាកនឹងគេងលក់ ដោយសារមានជាតិកាហ្វេអ៊ីននៅក្នុងនោះ។ ភេសជ្ជៈផ្សេងទៀតដែលមានជាតិកាហ្វេអ៊ីនដូចជា តែ ឬកាហ្វេ ក៏មិនគួរផឹកមុនចូលគេង៦ម៉ោងនោះឡើយ។
![](https://s9.kh1.co/60/6070c1a76702805359e23f2035d2853dff5114d0.png)
២. ឈីស
ដុំឈីស អាចជាអាហារបែបលោកខាងលិច ដែកប្រជាជនកម្ពុជាខ្លាំងចូលចិត្តទទួលទាន ប៉ុន្តែមិនគួរទទួលទានពេលយប់ទេ ដោយសារមានជាតិ amino acid និង tyramine ខ្ពស់ អាចធ្វើឲ្យអ្នកស្វាងខ្លាំងតែម្ដង។
![](https://s9.kh1.co/29/29f7ea55f9057589d56bd638b08efdc0d997e82a.png)
៣. អាហារមានជាតិហឹរ
អ្នកខ្លះចូលចិត្តញ៉ាំហឹរមិនថាពេលព្រឹក ថ្ងៃត្រង់ ឬល្ងាច។ បើសិនជាអាច អ្នកគួរតែកុំញ៉ាំអាហារហឹរនាពេលយប់ ដោយអាហារមានសារជាតិហឹរគឺពិបាកនឹងរំលាយអាហារ។
![](https://s9.kh1.co/da/da5b2eb1a5baa61620f0a360945480b05d822568.png)
៤. ការ៉េម
ការ៉េម និងបង្អែមផ្សេងៗ មានជាតិស្ករខ្ពស់ណាស់ ជាហេតុធ្វើឲ្យប៉ះពាល់ដល់ការគេង ដោយសារធ្វើឲ្យជាតិស្ករក្នុងឈាមឡើងខ្ពស់ មិនសូវល្អដល់ការគេង។
![](https://s9.kh1.co/4a/4a4ec4c889a8f52f6ff2ca7e732ec27788dbe1eb.png)
៥. អាហារបំពងស្រួយៗ
អាហារបំពងស្រួយៗដែលមានជាតិប្រៃនោះ អាចនឹងធ្វើច្រាល់ជាតិទឹកក្នុងរាងកាយ អាចបណ្ដាលឲ្យអ្នកហត់នឿយ ដូច្នេះមិនគួរទទួលទានមុនដំណេកពីពីរទៅបីម៉ោង៕
![](https://s9.kh1.co/a3/a3de56e371b0eb777c764c9808f4da2ab3a9b62e.png)
ប្រភព៖: benenden
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]