ពិតជាដំណឹងក្រៀមក្រំ! សាស្រ្តាចារ្យ ឆែម សុខ ទទួលអនិច្ចកម្មនៅថ្ងៃនេះ!

ភ្នំពេញ​៖ តាមរយៈការចុះផ្សាយរបស់ សាលាមធ្យមវិចិត្រសិល្បៈ បានទទួលដំណឹងដ៏សែនក្រៀមក្រំដោយ លោក ឆែម សុខ អតីតធ្លាប់ជាគ្រូបង្រៀនផ្នែកតន្រី្តបុរាណ និងដឹកនាំវង់ភ្លេងរបាំព្រះរាជទ្រព្យ និងធ្លាប់ជាមន្រ្តីជាប់កិច្ចសន្យា របស់សាលាមធ្យមវិចិត្រសិល្បៈ បានទទួលមរណភាព កាលពីថ្ងៃពុធ ៤កើត ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៨ ខែតុលា ឆ្នាំ២០២៣ វេលាម៉ោង ១១:១៥ នាទី ក្នុងជន្មាយុ ៧៣ឆ្នាំ ដោយរោគាពាធ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សពត្រូវបានតម្កល់ធ្វើបុណ្យតាមប្រពៃណី នៅគេហដ្ឋាននៃសព ដែលមានទីតាំងស្ថិតនៅ ភូមិព្រែកក្របៅទី៣ សង្កាត់ព្រែកអំពិល ក្រុងអរិយក្សត្រ ខេត្តកណ្ដាល។ ដំណឹងនេះចាត់ទុកជាការអញ្ជើញចូលរួមកម្មវិធីបុណ្យ ក៏ដូចជាការចូលរួមរំលែកទុក្ខដល់គ្រួសារនៃសព ចូលរួមចាប់មគ្គផលតាមសទ្ធាជ្រះថ្លា រៀងៗខ្លួន៕

• តារាខ្មែរ
• គ្រោះថ្នាក់អាយុជីវិត