ជាការដឹងគុណ លោក ឧកញ៉ា ឈាង រ័ត្ន ពិធីករ សុខ រ៉ាស៊ី ប្រកាសមិនយកថ្លៃថតរយៈពេល៥ឆ្នាំ

ភ្នំពេញ៖ ជាការពិតណាស់ មរណភាពរបស់ លោក ឧកញ៉ា ឈាង រ័ត្ន នៅតែធ្វើឲ្យមហាជនមានការសោកសង្រែកជាខ្លាំង ជាពិសេស គ្រួសារសាច់ញាតិ មិត្តៗដែលជាមនុស្សជិតស្និទ នៅតែធ្វើចិត្តមិនបាន ពិបាកនឹងទទួលយកការបាត់បង់មនុស្សម្នាក់ដ៏ល្អបែបនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលធ្វើឲ្យអាលោះអាល័យនោះគឺ លោក ឧកញ៉ា គឺជាបុគ្គលម្នាក់ដែលមានចិត្តសប្បុរធម៌ តែងតែធ្វើអំពើល្អ ហើយថែមទាំងជួយសិល្បករសិល្បការនីដែលជួបការលំបាកបានជាច្រើននាក់។ ជាមួយគ្នានេះ លោក សុខ រ៉ាស៊ី ដែលជាពិធីករដ៏ល្បីល្បាញ ក៏ជាមនុស្សម្នាក់ដែលធ្លាប់ត្រូវបាន លោក ឧកញ៉ា ឈាង រ័ត្ន ជួយស្រោចស្រង់ក្នុងគ្រាលំបាកផងដែរ។

ដើម្បីជាការដឹងគុណ និង មិនដឹងសងគុណដោយរបៀបណានោះ លោក រ៉ាស៊ី បានប្រកាសខ្លួនថា លោកមិនយកកម្រៃសូម្បីតែ១រៀល ក្នុងរយៈពេល៥ឆ្នាំ អំពីការថតពាណិជ្ជកម្មឲ្យផលិតផល សម្រស់ ធម្មជាតិ ដែលជាក្រុមហ៊ុនរបស់ លោក ឧកញ៉ា និងភរិយា៕

ប្រភព៖ Mc Rasy Sok - សុខ រ៉ាសុី

• រូបភាព
• តារាខ្មែរ