Weir និង ភរិយា បង្ហាញក្ដីសុខ ពេលទៅដើរលេងជុំគ្រួសារ

ថៃ៖ អាចនិយាយបានថា សម្រាប់តារាសម្ដែង លោក Weir Sukollawat តែងតែត្រូវបានហ្វេនៗជាច្រើន ចាប់អារម្មណ៍ និងតាមដានចំពោះសកម្មភាពក្នុងជីវិតផ្ទាល់ បន្ទាប់ពីបានសម្រេចចិត្តរៀបការសាងគ្រួសារ ជាមួយនឹងភរិយា Vicky និងមានចំណងស្នេហ៍កូនស្រីតូចដ៏គួរឲ្យស្រលាញ់ម្នាក់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក ថ្មីៗនេះវិញ រឿងរ៉ាវនៅក្នុងក្រុមគ្រួសាររបស់តារាប្រុសរូបនេះ ក៏ត្រូវបានអ្នកគាំទ្រយកចិត្តទុកដាក់សាជាថ្មី នៅពេលដែលបានបង្ហាញពីក្ដីសុខ ក្នុងការធ្វើ​ដំណើរកម្សាន្តទៅ​ប្រទេស​ជប៉ុនយ៉ាងរីករាយ។

លើសពីនេះ ងាកមកចាប់អារម្មណ៍ចំពោះ ភរិយារបស់តារាប្រុស Weir នាង Vicky ក៏បានបង្ហោះរូបភាពគួរឲ្យស្រលាញ់ ជុំគ្នាឪពុកម្តាយនិងកូន ពោរពេញដោយសុភមង្គល និងស្នាមញញឹម ព្រមទាំងបានរៀបរាប់ប្រាប់ទៅអ្នកគាំទ្រ ពីកូនស្រីរបស់អ្នកទាំងពីរ ដែលពេលនេះអាយុ ១០ ខែ៕

ប្រភព៖ Sanook

សូមទស្សនារូបភាពខាងក្រោម៖ 

• រូបភាព
• តារាថៃ