ដំរីទេសចរណ៍ឈ្មោះ សំបូរ ដែលយើងស្គាល់ជាទូទៅថា "ដំរីវត្តភ្នំ" នោះបានស្លា-»ប់កាលពីយប់មិញ

ភ្នំពេញ៖ នៅលើផេកហ្វេសប៊ុកមួយ បានបង្ហោះនូវដំណឹងដ៏សោកសៅ ឲ្យដឹងថាដំរីទេសចរណ៍ឈ្មោះ «សំបូរ» ដែលយើងស្គាល់ជាទូទៅថា «ដំរីវត្តភ្នំ» នោះបានស្លាប់កាលពីយប់មិញហើយនៅខេត្តមណ្ឌលគិរី ដែលជាកន្លែងចូលនិវត្តន៍ចុងក្រោយរបស់វា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមប្រភពដដែល បានបន្តទៀថា ចំពោះមូលហេតុនៃការស្លាប់របស់ដំរីមួយនេះ គឺដោយសារវាឆ្លងជំងឺធ្មេញ ហេតុដូច្នេះ វាបានបណ្តាលឲ្យសុខភាព របស់វាចុះទ្រុឌទ្រោមខ្លាំង ក្នុងរយៈពេលមួយខែចុងក្រោយនេះ។

ចំពោះដំណឹងនេះ បានធ្វើឲ្យមហាជន មានសោកសង្រេកជាខ្លាំង ព្រោះប្រជាជនកម្ពុជានិងភ្ញៀវទេសចរបរទេសជាច្រើនសុទ្ធតែមានអនុស្សាវរីយ៍ជាមួយដំរីនេះ ដោយបម្រើវិស័យទេសចរណ៍ ក្នុងស្រុកជាយូរឆ្នាំរហូតដល់វ័យចូលនិវត្តន៍ក្នុងឆ្នាំ២០១៤ ហើយវាក៏ជាដំរីដ៏ចំណាស់នៃកម្ពុជា (អាយុ ៦៣ឆ្នាំ) ដែលបានរស់រួចផុតពីរបបខ្មែរក្រហមផងដែរ៕

ប្រភព៖ Amazing Cambodia