ផ្អែមល្ហែមណាស់! គូណាត់ Taylor Swift ទិញផ្ទះប្រណីតមួយ ទុកណាត់ជួបគ្នា

បរទេស៖ ថ្មីៗនេះ កាលពីថ្ងៃទី ១៩ ខែតុលា ដោយយោងតាម TMZ បានរាយការណ៍ថា កីឡាករ លោក Travis Kelce ដែលត្រូវបានគេស្គាល់ថាជាគូណាត់ របស់តារាចម្រៀងស្រី Taylor Swift បានទិញផ្ទះថ្មីមួយ នៅទីក្រុង Kansas សហរដ្ឋអាមេរិក ក្នុងតម្លៃជិត ៦ លានដុល្លារ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តាមរយៈនោះដែរ ក៏ត្រូវបានគេដឹងថា ផ្ទះប្រណីតមួយនេះ ស្ថិតនៅក្នុងសហគមន៍លំនៅដ្ឋានមានច្រកចេញចូល ខណៈដែលផ្ទះនេះផ្ទាល់ មានបន្ទប់គេង ៦ បន្ទប់ទឹក ៦ និងទំហំផ្ទះប្រមាណជាង ១,៤៨៦ ម៉ែត្រការ៉េ។ មិនត្រឹមតែប៉ុណ្ណោះ កន្លែងនេះ ក៏មានអាងហែលទឹកភ្ជាប់នឹងទឹកធ្លាក់ ទីលានវាយកូនបាល់ និងទីលានវាយកូនហ្គោលខ្នាតតូចផងដែរ។

ម៉្យាងវិញទៀត បើយោងតាម ​​TMZ ថែមទាំងបានបង្ហាញពីហេតុផលដែល លោក Travis Kelce ចង់ផ្លាស់ទៅផ្ទះថ្មីនេះ គឺដោយសារតែ លោកចង់បានភាពឯកជនកាន់តែច្រើនជាងមុន ខណៈដែលរូបលោកមានអារម្មណ៍មិនស្រួលជាមួយកន្លែងចាស់ ព្រោះវាមានភាពងាយស្រួលចូល និងមានមនុស្សជាច្រើនឆ្លងកាត់។

ជាពិសេស ការណាត់ជួបជាមួយ Taylor Swift ក៏ត្រូវបានគេនិយាយថា ជាហេតុផលមួយដែលធ្វើឱ្យ Travis Kelce សម្រេចចិត្តទិញផ្ទះថ្មី ព្រោះ​តែ​តារា​ចម្រៀង​ស្រី​ដ៏​ល្បី​រូប​នេះ​ តែង​តែត្រូវបាន​តាមដានដោយ​ paparazzi ទៅ​ថត​រូប ដូច្នេះហើយ គូណាត់អ្នកទាំងពីរ ត្រូវការកន្លែងឯកជន និងសុវត្ថិភាពបន្ថែមទៀត ដើម្បីកុំឱ្យមានការរំខាននៅពេលណាត់ជួបគ្នា៕

ប្រភព៖ Kenh14

សូមទស្សនារូបភាពខាងក្រោម៖

• រូបភាព
• តារាអន្តរជាតិ