មកមើលទិដ្ឋភាពមង្គលការរបស់ Chen ដែលមានសមាជិក EXO ចូលរួមយ៉ាងរីករាយ

កូរ៉េខាងត្បូង៖ សមាជិកតារាចម្រៀងក្រុម EXO គឺ Chen (Kim Jongdae) បានរៀបមង្គលការហើយជាមួយភរិយាដែលមិនមែនជាតារា កាលពីថ្ងៃទី២២ខែតុលាកន្លងទៅនេះ នៅឯសាល Lotte Signiel បន្ទាប់ពីបានចុះសំបុត្រអាពាហ៍ពិពាហ៍តាំងពី៣ឆ្នាំមុន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ Allkpop បានចុះផ្សាយថាសមាជិកក្រុម EXO ទាំងអស់សុទ្ធតែមានវត្តមាន នៅក្នុងពិធីមង្គលការរបស់លោកប៉ាកូនពីររូបនេះ ដោយថែមទាំងបានថតរូបយ៉ាងស្និទ្ធស្នាលទៀតផង។

ទិដ្ឋភាពក្នុងមង្គលការក៏ពោរពេញដោយភាពរីករាយ និងមានការចាក់បទ​​​ចម្រៀង នៅក្នុងកម្មវិធីនេះដែរ ដូចជាបទ "Don't Go" ស្របពេល Kai ដែលរវល់នឹងកាតព្វកិច្ចចូលបម្រើទាហាន ក៏បានមកចូលរួមដូចគ្នា។

គួរបញ្ជាក់ផងដែរថា Chen បានប្រកាសថាខ្លួននឹងរៀបអាពាហ៍ពិពាហ៍កាលពីខែមករា ឆ្នាំ ២០២០ ដែលបង្កការភ្ញាក់ផ្អើលដល់អ្នកគាំទ្រជាខ្លាំង ដោយក្នុងនោះហ្វេនៗក៏បានចូលរួមអបអរសាទរដល់គូស្វាមីភរិយាដ៏ស្រស់ស្អាតមួយគូនេះផងដែរ៕  

ប្រភព៖: allkpop

• រូបភាព
• តារាកូរ៉េ