កាន់តែសង្ស័យ ក្រោយឃើញ វីដេអូ G-Dragon ពីមុន និង បច្ចុប្បន្ន (មានវីដេអូ)

កូរ៉េខាងត្បូង៖ ថ្មីៗនេះ ករណីប៉ូលីសដាក់ការសង្ស័យលើតារាចម្រៀងកូរ៉េដ៏ល្បីល្បាញ G-Dragon ពាក់ព័ន្ធបញ្ហារគ្រឿងញៀន ដែលធ្វើឲ្យអ្នកលេងបណ្ដាញសង្គមមានការភ្ញាក់ផ្អើលជាខ្លាំង។ មិនតែប៉ុណ្ណោះ អ្នកគាំទ្ររបស់តារាប្រុសរូបនេះ ពិតជាមិនអាចទទួលយកបាននោះទេ មានតែនាំគ្នាសង្ឃឹមថា មិនមែនជាការពិតប៉ុណ្នោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនោះ គេបានយកវីដេអូចាស់របស់ G-Dragon និង វីដេអូថ្មីៗមកប្រៀបធៀបគ្នា មើលអំពីការនិយាយ អាកប្បកិរិយាថា ខុសគ្នាយ៉ាងម៉េច ដោយវីដេអូចាស់ នៅក្នុងឆ្នាំ២០១៥ និង វិដេអូថ្មីនៅក្នុងឆ្នាំ២០២២។ យោងតាមប្រភពពីកូរ៉េខាងត្បូង មហាជនបាននាំគ្នាបញ្ចេញមតិថា មើលវីដេអូទាំងនេះ ពិតជាគួរឲ្យសង្ស័យណាស់ បើសិនជាវាជាការពិតមែន G-Dragon ពិតជាមិនរួចខ្លួននោះទេ។ 

ងាកទៅមើលវីដេអូទាំងនោះវិញ គេបានសង្កេតឃើញថា វីដេអូចាស់ ការនិយាយរបស់តារាប្រុសរូបនេះ មានសភាពធម្មតា ចំណែកឯវីដេអូឆ្នាំ២០២២វិញ រូបលោកប្រែជានិយាយទាក់ៗ ខុសៗ និយាយមិនសូវច្បាស់ថែមទៀតផង ដែលវាជំរុញឲ្យមហាជនកាន់តែដាក់ការសង្ស័យ។ 

ប៉ុន្ដែទោះបីជាយ៉ាងណាក៏ដោយ ប៉ូលីសមិនទាន់អាចនិយាយអ្វីបាននោះទេ ករណីនេះ កំពុងតែស្ថិតនៅក្នុងស៉ើបអង្កេតនៅឡើយ៕

ប្រភព៖ allkpop

• វីដេអូ
• តារាកូរ៉េ