ជោគជ័យខ្លាំងជាមួយ The Eras Tour ឥឡូវ Taylor Swift ឡើងងារជា «មហាសេដ្ឋី»

អាមេរិក៖ កំពូលតារាចម្រៀង Pop ដ៏ល្បីឈ្មោះរបស់អាមេរិកគឺកញ្ញា Taylor Swift បានឡើងងារជា «មហាសេដ្ឋី» ហើយ នេះបើយោងតាមប្រភពមកពីបរទេស។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងសប្តាហ៍នេះ Taylor បានបង្ហាញឈ្មោះនៅលើតារាង Bloomberg Billionaire Index ដោយមានងារជាមហាសេដ្ឋី ដោយសារទ្រព្យសម្បត្តិសរុបរបស់នាងត្រូវគេប៉ាន់ស្មានថាមានលើសពី ១.១ពាន់លានដុល្លារទៅហើយ។

ពិតណាស់ Taylor ពិតជាជោគជ័យខ្លាំងក្នុងការប្រគុំតន្ត្រីទេសចរណ៍ថ្មីមួយរបស់នាងឈ្មោះថា "The Eras Tour" ដែលអាចរកចំណូលសរុបដល់ទៅជាង ២.២ពាន់លានដុល្លារ បើគិតតែក្នុងការប្រគុំតន្ត្រីនៅអាមេរិកខាងជើងម្នាក់ឯងប៉ុណ្ណោះ។

គួរបញ្ជាក់ថា Taylor Swift មិនមែនជាតារាស្រីអាមេរិកទី១ដែលទទួលបានងារជាមហាសេដ្ឋីនោះឡើយ ព្រោះកន្លងមកតារាល្បីៗដូចជា Beyonce, Jay Z និង Rihanna ជាដើមសុទ្ធតែបានក្លាយជាមហាសេដ្ឋី៕  

ប្រភព៖: news

• រូបភាព
• តារាអន្តរជាតិ