បើកបង្ហាញផ្ទះប្រណីត Kratae ឡើងស្រស់ស្អាតបែបនេះ

ថៃ៖ អាចនិយាយបានថា ក្រៅពីអាជីពជាតារា​ចម្រៀង​ដែលទទួលបានប្រជាប្រិយភាពយ៉ាងខ្លាំងហើយ សម្រាប់ តារាចម្រៀងស្រី Kratae ក៏ត្រូវបានហ្វេនៗជាច្រើន ចាប់អារម្មណ៍ទៅលើជីវិតរស់នៅឯកជន ខណៈថ្មីៗនេះ រូបនាងបានធ្វើឲ្យអ្នកទស្សនាយកចិត្តតុកដាក់ ពេលចេញមកបើកបង្ហាញ ឲ្យឃើញពីផ្ទះថ្មីប្រណីតរបស់ខ្លួន ផងដែរ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ ត្រូវបានគេដឹងថា ផ្ទះដ៏ប្រណីតស្កឹមស្កៃរបស់តារាចម្រៀងស្រីរូបនេះ គឺជាផ្ទះទី ៥ ដែលមានតម្លៃរាប់រយលាន ខណៈបន្ថែម​ពី​លើ​នេះ នៅ​ក្នុង​ផ្លូវ​ដដែល​នោះ ក៏​មាន​ផ្ទះ​បី​ខ្នង​ទៀត​របស់​នាងផងដែរ ​ដែល​បាន​ទិញ​ទាំង​ស្រុង ​កើតចេញពីការខិតខំប្រឹងប្រែង ដោយកម្លាំង​ពលកម្ម​ផ្ទាល់​ខ្លួនតែម្ដង។

បើក្រឡេកមកមើលផ្នែកខាងក្រៅផ្ទះវិញ គឺពិតជាមានភាពស្រស់ស្អាត មានសួនច្បារខាងមុខ តុបតែងតាមរចនាប័ទ្ម neo-classical ដែលមានបរិយាកាសដូចជារឿងនិទាន។ ជាពិសេស នៅផ្នែកខាងក្នុងផ្ទះវិញ ក៏មានភាពប្រណីតមិនចាញ់គ្នា មិនថាបន្ទប់ទឹក បន្ទប់ស្លៀកពាក់ ឬបន្ទប់គេងទេ ដែលមានការរៀបចំបានស្រស់ស្អាត ធ្វើឲ្យសោភ័ណភាពក្នុងផ្ទះ កាន់តែស្រស់បំព្រង គួរឲ្យចង់រស់នៅ ផងដែរ៕

ប្រភព៖ Kapook

សូមទស្សនារូបភាពខាងក្រោម៖ 

• រូបភាព
• តារាថៃ