កម្សាន្ត៖ ជាការពិតណាស់ កន្លងមកនេះ ប្រិយមិត្តដែលតាមដានព័ត៌មានតារាកូរ៉េ ប្រាកដជាដឹងរួចមកហើយថា តារាសម្ដែងស្រីដ៏ល្បីល្បាញ Han Sohee បានសម្រេចចិត្តមិនខ្វល់ពីសាច់របស់ខ្លួន ដោយចោះសាច់ បបូរមាត់ពាក់ក្រវិលលើមាត់ ដែលធ្វើឲ្យអ្នកគាំទ្ររបស់នាងមានការភ្ញាក់ផ្អើលជាខ្លាំង។
ដោយឡែកថ្មីៗនេះ Sohee បែរជាប្រកាសប្រាប់វិញថា នាងបានលុបស្នាមចោះនោះវិញហើយ ដោយនាងបានបង្ហោះសារថា ខ្ញុំបានចោះមួយរយៈ ប៉ុន្តែខ្ញុំបានដកវាចេញអស់ហើយ។ មិនតែប៉ុណ្ណោះ នាងបង្ហើបថា ចរិតរបស់នាងគឺ ឲ្យតែបានសាកហើយ នាងមានអារម្មណ៍ពេញចិត្តប ហើយឥឡូវក្រោយពេលបានសាកល្បងចោះមាត់ហើយ នាងមានអារម្មណ៍ធូរស្រាល ទើបសម្រេចលុបវាវិញ។
ជាមួយគ្នានេះដែរ តារាសម្ដែងដ៏ឆ្នើមរូបនេះ ត្រូវបានគេស្គាល់ថា ជាមនុស្សមិនចេះលាក់ចរិត គឺនាងតែងតែធ្វើអ្វីដែលខ្លួនចង់ធ្វើ ដោយមិនលាក់បាំងនោះទេ តាំងពីរឿងសាក់លើដងខ្លួន រឿងចូលចិត្តផឹកស្រា ជក់បារីជាដើម ហើយអ្នកគាំទ្រក៏ស្រឡាញ់នាងដែលជាខ្លួនឯង មិនដែលព្យាយាមលាក់បាំងនោះទេ នាងតែងតែបង្ហាញភាពវិជ្ជមានជានិច្ច៕
ប្រភព៖ Allkpop
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
