កាន់តែផ្អែមល្ហែម Leonardo បង្ហាញសកម្មភាពមួយនេះ ជាមួយគូស្នេហ៍

បរទេស៖ ថ្មីៗនេះ តារាសម្តែងវ័យ ៤៨ ឆ្នាំ លោក Leonardo DiCaprio និងគូស្នេហ៍ ដែលជាតារាម៉ូដែលវ័យ ២៥ ឆ្នាំ Vittoria Ceretti បានទាញយកចំណាប់អារម្មណ៍យ៉ាងខ្លាំង បន្ទាប់ពីបានបង្ហាញសកម្មភាព ណាត់ជួបគ្នា ខណៈពេលដែល បានចូលរួមក្នុងពិធីជប់លៀង Halloween នៅទីក្រុង Los Angeles កាលពីយប់ថ្ងៃទី ២៨ ខែតុលាកន្លងទៅ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ យោងតាមប្រភព ​​TMZ បានបង្ហាញថា ក្នុងអំឡុងពេលរាត្រីនៃពិធីជប់លៀង ដែលមានរយៈពេល រហូតដល់ព្រឹកព្រលឹម តារាសម្ដែង លោក Leonardo DiCaprio និងមិត្តស្រីរបស់ខ្លួន ត្រូវបានគេឃើញ សម្រាកលំហែនៅលើរានហាល និងបានបង្ហាញកាយវិការ ជជែកគ្នា និង​ឱប​គ្នា យ៉ាងសប្បាយរីករាយ។

ជាមួយគ្នានេះដែរ ការបង្ហាញខ្លួន របស់តារា​ម៉ូដែល​ស្រីដែលជាគូស្នេហ៍របស់ លោក Leonardo ដែលបានតុបតែងខ្លួនយ៉ាងស្រស់ស្អាត ​ពាក់​សក់​ពណ៌​ក្រហម និងស្លៀក​រ៉ូប​បញ្ចេញស្មា បានធ្វើឲ្យមហាជនកាន់តែចាប់អារម្មណ៍ ខណៈ​ដែល លោក Leonardo DiCaprio ស្លៀកពាក់​ឈុត​ធម្មតា​ តែប៉ុណ្ណោះ។ 

ប្រភព៖​ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ