ប្រុងប្រយ័ត្នទាំងអស់គ្នា សូម្បីតែ ពេជ្រ សូលីកា ក៏ត្រូវសត្វនេះតិចឡើងស្នាមមុខ

កម្សាន្ត៖ កាលពីថ្មីៗនេះ តារាចម្រៀងស្រី ទឹកដមស្រទន់ អ្នកនាង ពេជ្រ សូលីកា បានបង្ហាញរូបភាពមួយ ភ្ជាប់ជាមួយសារដាស់តឿនដល់មហាជន អំពីសត្វល្អិតមួយប្រភេទ ដែលវាបានតិច បណ្ដាលឲ្យរោល កន្ទួលឈឺចាប់។​ នៅក្នុងនោះផងដែរ តារាស្រីរូបនេះ ត្រូវសត្វល្អិតមួយប្រភេទនេះ តិចរហូតដល់ឡើងស្នាមលើមុខ កន្ទួល មើលក៏ដឹងថាវាតិចឈឺប៉ុណ្ណាដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះដែរ សត្វមួយប្រភេទនេះ ត្រូវបានគេស្គាល់ថា ជាប្រភេទសត្វល្អិតមានពិសខ្លាំង ខ្លួនវាតូច មានពណ៌លឿងលាយខ្មៅ នៅពេលដែលវាបានប៉ះលើខ្លួនអ្នក ឬកន្លែងណាមួយ វានឹងបញ្ចេញពិស ឬ តិច​ បណ្ដាលឲ្យរលាកដល់ស្បែក កន្ទួល ក្រហាយ រាលដាលដល់ស្បែក។

ចំណែកឯ វិធីព្យាបាលនោះគឺ នៅពេលដែលវាតិចដំបូង អ្នកត្រូវលាងរបួសនឹងទឹកអំបិល ដើម្បីឲ្យពិសវាមិនរាលដាល បន្ទាប់មករកថ្នាំលាបត្រង់កន្លែងរបួស ឬទៅទិញថ្នាំពីឳសថស្ថានដែលនៅជិតលោកអ្នក។ ជាពិសេស សូមប្រុងប្រយ័ត្នឲ្យបានខ្ពស់ ចំពោះក្មេងតូចៗ ព្រោះស្បែកក្មេងស្ដើង ងាយនឹងរងការរលាកពីសត្វមួយនេះ៕

ប្រភព៖ Pich Solikah

• រូបភាព
• តារាខ្មែរ