ឃើញស្ទាយ៍អ៉ឺរ៉ុបអញ្ចឹងទេ Jessi ទម្លាយថា សំបូរ តារា K-pop ប្រុសៗសុំស្នេហ៍

កូរ៉េខាងត្បូង៖​ ប្រិយមិត្តដែលនិយមគាំទ្រតារាចម្រៀងកូរ៉េ ច្បាស់ជាបានស្គាល់តារាស្រី Jessi ដែលនាងជាម្ចាស់បទ Zoom ហើយនាងក៏ធ្លាប់បានមកច្រៀងនៅប្រទេសកម្ពុជាកាលពីឆ្នាំ២០២២ផងដែរ។ ថ្មីៗនេះ នាងបានធ្វើឲ្យអ្នកគាំទ្រមានការភ្ញាក់ផ្អើលបន្ទាប់ពីនាងបានទម្លាយរឿងមួយនៅក្នុងកម្មវិធីសម្ភាសន៍របស់ Bam Bam។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះ Jessi បាននិយាយថា នាងមានភ្ញាក់ផ្អើលមែនទែននៅពេលដែលតារាចម្រៀងកូរ៉េប្រុសៗ តែងតែមកសុំស្រឡាញ់នាង។ មិនតែប៉ុណ្នោះ រូបនាងបានបន្ដថា តារាប្រុសទាំងនោះ មានអត្តចរិតខ្ជូតៗ គួរឲ្យស្រឡាញ់នៅចំពោះមុខហ្វេនតែប៉ុណ្ណោះ រីឯក្រៅសិល្បៈវិញ ពួកគេពិតជាសុភាពបុរស ​រឹងមាំ Manly មែនទែន។ឮ

មុនដំបូងនាងក៏មិនគួរឲ្យជឿដែរថា ហេតុអីតារាប្រុសៗទាំងនោះ លង់ស្នេហ៍នាង ទាំងនាងមានអត្តចរិតបែបអ៉ឺរ៉ុប ទាំងស្ទាយ៍តែងខ្លួន និង ការនិយាយស្ដី ដោយនាងគិតថា គេតែងតែស្រឡាញ់មនុស្សស្រីប្រភេទទន់ភ្លន់ តែមិនស្មានថា បែរជាមកស្រឡាញ់ខ្លួននោះទេ។ 

ក្រោយពី Jessi ទម្លាយបែបនេះហើយ ទើបធ្វើឲ្យហ្វេនដឹងថា តាមពិតតារាប្រុសៗដែលយើងគិតថា ញិកញក់ខ្ជូតនោះ នៅក្រៅផ្ទុយគ្នាស្រឡះ ពួកគេគ្រាន់តែបែបនេះនៅមុខកាមេរ៉ាតែប៉ុណ្ណោះ៕

ប្រភព៖ SBS Stars

• រូបភាព
• តារាកូរ៉េ