Halloween មួយឆ្នាំមានម្ដង Ariana ចេញមកលេងស្ទាយ៍ឡើងចែងចាំង

អាមេរិក៖ ដូចដែលប្រិយមិត្តបានស្គាល់ហើយថា Ariana Grande ជាតារាចម្រៀងដ៏មានឈ្មោះល្បីខ្លាំង ដែលមានទឹកដមសំនៀងពីរោះក្រអៅក្រអួន អាចស្រែកច្រៀងបានយ៉ាងល្អឥតខ្ចោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្មីៗនេះ នាងក៏ទើបតែបែកបាក់គូស្នេហ៍ ដោយបានលែងលះជាមួយស្វាមី Dalton Gomez ជាផ្លូវការក្រោយរួមរស់ជាមួយគ្នាបានពីរឆ្នាំ ប៉ុន្តែ Ariana មិនត្រាំត្រែងនឹងទុក្ខសោកយូរទេ ជាក់ស្ដែងនាងនៅតែបន្តជីវិតយ៉ាងឡូយឆាយ ដោយកាលពីថ្ងៃទី៣១ ខែតុលា កន្លងទៅនេះ នាងបានតុបតែងខ្លួនយ៉ាងប្លែកភ្នែក ដើម្បីអបអរដល់បុណ្យ Halloween ។

ក្នុងនោះ Ariana បានជ្រើសរើសតុបតែងខ្លួនត្រាប់តាមតួអង្គ Nomi Malone នៅក្នុងរឿង «Showgirls» ចេញផ្សាយកាលពីឆ្នាំ១៩៩៥ ដែលជាស្ទាយ៍ថ្មីមួយប្លែក ដូចបានត្រឡប់ទៅទស្សវត្សរ៍ទី៩០វិញអ៊ីចឹង។

អ្នកគាំទ្រក៏បានកោតសរសើរ Ariana Grande ដែរថាតែងអ៊ីចឹងទៅ ពិតជាស្រស់ស្អាតលេចធ្លោ និងស័ក្តិសមជាមួយនឹងស្ទាយ៍បែប Girly Girly របស់នាង៕  

ប្រភព៖: billboard

• រូបភាព
• តារាអន្តរជាតិ