ម៉េចអញ្ចឹង Lisa សមាជិក Blackpink ត្រូវចិន Ban បែបនេះ

ចិន៖ យោងតាមប្រភពព័ត៌មានពីប្រទេសចិន បានឲ្យដឹងថា សមាជិកក្រុម Blackpink ដែលមានសញ្ជាតិថៃ Lisa Manoban ត្រូវបានរដ្ឋាភិបាលនៃប្រទេសចិនហាមឃាត់មិនឲ្យបង្ហាញមុខនៅប្រទេសខ្លួន ព្រមទាំងបិទគណនី Weibo របស់នាង ដែលមានចំនួនតាមដានរាប់លាននាក់ទៀតផង។

មិនតែប៉ុណ្ណោះ តារាស្រីរូបនេះ មិនអាចធ្វើសកម្មភាពផ្សាយពាណិជ្ជកម្មនៅប្រទេសចិននោះទេ ពោលគឺ អ្វីៗដែលពាក់ព័ន្ធនឹងរូបនាង ត្រូវបានគេបិទចោល លុបបំបាត់ទាំងអស់ពីប្រទសតែម្ដង។ យោងតាមប្រភពបានឲ្យដឹងទៀតថា មូលហេតុដែលបណ្ដាលឲ្យឈានដល់ការហាត់ឃាត់បែបនេះ គឺមកពី Lisa បានបង្ហាញនូវគម្រូមិនល្អដល់ប្រជាជនចិន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះ តាមរយៈការសម្ដែងស៊ិចស៊ីជ្រុល របស់ Lisa នៅឯបាមួយកន្លែងនៅទីក្រុងប៉ារីស ទើបធ្វើឲ្យនាងត្រូវបានគេហាមឃាត់។ គួរបញ្ជាក់ផងដែរថា ប្រទេសចិនគឺមានច្បាប់តឹងរឹង ជាពិសេស​ចំពោះបុគ្គលសាធារណៈតែម្ដង បើបង្ហាញសកម្មភាពណាដែលមិនគប្បី គេនឹងមិនស្ទាក់ស្ទើក្នុងការលុបបំបាត់នោះទេ៕

ប្រភព៖ សុិច អ៉ីនត្រូ- Six Intro

• រូបភាព
• តារាថៃ
• តារាកូរ៉េ