គ្រាន់តែចូលទស្សនា Lisa សោះ Angela Baby ក៏ត្រូវបានចិន Ban គណនី Weibo ដែរ

កម្សាន្ត៖ កាលពីថ្មីៗនេះ អ្នកគាំទ្រតារា Kpop នាំគ្នាភ្ញាក់ផ្អើលជាមួយនឹងព័ត៌មានដែល Lisa ព្រមទាំងសមាជិកក្រុម Blackpink ទាំងអស់ ត្រូវបានរដ្ឋាភិបាលចិនហាត់ឃាត់មិនឲ្យធ្វើសកម្មភាពផ្សព្វផ្សាយនៅប្រទេសខ្លួនទៀតនោះទេ ពោលគឺអ្វីៗពាក់ព័ន្ធនឹងក្រុមនេះត្រូវបានហាមឃាត់ទាំងអស់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ចំណែកឯដើមហេតុនោះគឺដោយសារតែ Lisa បានសម្ដែងនៅក្នុងក្រុម The Crazy Horse បង្ហាញភាពស៊ិចស៊ីខ្លាំង ដែលខុសទៅនឹងច្បាប់របស់តារាចិន។ មិនតែប៉ុណ្ណោះ តារាៗជាច្រើននាក់ដែលបានចូលរួមមើលការសម្ដែងនេះ ក៏ត្រូវបានចិនហាមឃាត់ផងដែរ ព្រោះវាជាគម្រូមិនល្អដល់ប្រជាជនចិន។

ជាមួយគ្នានេះ តារាសម្ដែងស្រីដ៏ល្បីល្បាញនៅចិន Angela Baby ក៏ត្រូវបានគេផ្អាកដំណើរការគណនី Weibo របស់នាង ដែលមានអ្នកតាមដានដល់ទៅ ១០៥លាននាក់ទៀតផង។ ដោយសារតែ តារាស្រីរូបនេះ ក៏ជាទស្សនិកជនម្នាក់ ដែលបានចូលរួមទស្សនាការសម្ដែងបែបឯកជនរបស់ Lisa នៅឯប៉ារីសកាលពី១ខែកន្លងទៅនេះ៕

ប្រភព៖ សុិច អ៉ីនត្រូ- Six Intro

• រូបភាព
• តារាចិន
• តារាកូរ៉េ