ភ្នំពេញថ្ងៃទី១ ខែវិច្ឆិកា ឆ្នាំ២០២៣៖ ក្រុមហ៊ុនធានារ៉ាប់រងអាយុជីវិត សុវណ្ណាភូមិ ឡាយហ្វ៍ ដែលជាក្រុមហ៊ុនធានារ៉ាប់រងអាយុជីវិតឈានមុខគេមួយក្នុងប្រទេសកម្ពុជាបានចាប់ដៃគូជាមួយនឹង ធនាគារ ហត្ថា ដែលជាធនាគារធំជាងគេមួយក្នុងប្រទេសកម្ពុជា ដើម្បីសម្ពោធផលិតផលធានារ៉ាប់រងអាយុជីវិតបន្ថែមថ្មីមួយ ដែលមានឈ្មោះថា «SMILE អិចស្រ្តាឃែរ»។
ផលិតផលបន្ថែម SMILE អិចស្រ្តាឃែរ គឺជាផលិតផលធានារ៉ាប់រងអាយុជីវិតបន្ថែមដែលផ្តល់ការការពារជំងឺធ្ងន់ធ្ងររហូតដល់ ៨០ ប្រភេទ ចាប់ពីកម្រិតស្រាល រហូតដល់កម្រិតធ្ងន់ រួមមានទាំង ជំងឺមហារីក ការវះកាត់ ជំងឺគាំងបេះដូងស្រួចស្រាវ ជំងឺខូចតម្រងនោមកម្រិតធ្ងន់ ជំងឺខូចថ្លើមកម្រិតធ្ងន់ ជំងឺសួតកម្រិតធ្ងន់ ជំងឺរលាកថ្លើមធ្ងន់ធ្ងរ និងជំងឺផ្សេងៗជាច្រើនទៀត។ ផលិតផលនេះផ្តល់នូវការការពារដល់អតិថិជនចាប់ពីអាយុ ១៨ឆ្នាំ រហូតដល់ ៦៥ឆ្នាំ ជាមួយនឹងចំនួនទឹកប្រាក់ធានារ៉ាប់រងអប្បបរមាចាប់ពី ៣ ០០០ ដុល្លារអាមេរិក។
លោក Loke Kah Meng អគ្គនាយកប្រតិបត្តិនៃក្រុមហ៊ុនធានារ៉ាប់រងអាយុជីវិត សុវណ្ណាភូមិ ឡាយហ្វ៍ បានមានប្រសាសន៍ថា៖ «យើងពិតជាមានសេចក្តីសោមនស្សរីករាយយ៉ាងក្រៃលែងក្នុងការសម្ពោធផលិតផលបន្ថែម SMILE អិចស្រ្តាឃែរ ក្នុងភាពជាដៃគូប៊េងកាសួរេនជាមួយធនាគារ ហត្ថា។ ផលិតផលបន្ថែមនេះផ្តល់ជូននូវការការពារយ៉ាងច្រើនទៅលើបញ្ហាសុខភាព សុវត្ថិភាពផ្នែកហិរញ្ញវត្ថុសម្រាប់អតិថិជន និងគ្រួសាររបស់ពួកគេ»។
ផលិតផលបន្ថែម SMILE អិចស្រ្តាឃែរ គឺជាផលិតផលក្នុងស្រុកមួយដែលជាតម្រូវការចាំបាច់របស់អតិថិជនកម្ពុជា ព្រមទាំងផ្តល់ជូនយ៉ាងពិសេសសម្រាប់តែប្រជាជនកម្ពុជាតែប៉ុណ្ណោះ។
ជាមួយគ្នានេះ ឧកញ៉ា ហួត អៀងតុង ប្រធានអគ្គនាយកនៃធនាគារ ហត្ថា បានមានប្រសាសន៍ថា៖ «យើងពិតជាមានមោទកភាពក្នុងការចាប់ដៃគូជាមួយ សុវណ្ណាភូមិ ឡាយហ្វ៍ ក្នុងការសម្ពោធផលិតផលបន្ថែម SMILE អិចស្រ្តាឃែរ»។ ផលិតផលបន្ថែមនេះផ្តល់ជូននូវបុព្វលាភធានារ៉ាប់រងដែលមានតម្លៃសមរម្យ និងការការពារយ៉ាងសម្បូរបែប ដែលផ្តល់ជូនសន្តិភាពផ្លូវចិត្ត ក៏ដូចជាសុវត្ថិភាពផ្នែកហិរញ្ញវត្ថុសម្រាប់អតិថិជន។»
ការសម្ពោធផលិតផលបន្ថែម SMILE អិចស្រ្តាឃែរ គឺជាព្រឹត្តិការណ៍ដ៏សំខាន់មួយសម្រាប់ សុវណ្ណាភូមិ ឡាយហ្វ៍ និងធនាគារ ហត្ថា ក្នុងការបន្តពង្រីកនូវការផ្តល់ជូនទៅកាន់អតិថិជនកម្ពុជា ក៏ដូចជាការផ្តល់ដំណោះស្រាយប្រកបដោយភាពច្នៃប្រឌិតដើម្បីបំពេញតម្រូវការរបស់សង្គមជាតិយើង។
អំពីក្រុមហ៊ុនធានារ៉ាប់រងអាយុជីវិត សុវណ្ណាភូមិ ឡាយហ្វ៍៖
ក្រុមហ៊ុនធានារ៉ាប់រងអាយុជីវិត សុវណ្ណាភូមិ ឡាយហ្វ៍ គឺជាក្រុមហ៊ុនវិនិយោគរួមគ្នារវាង ក្រុមហ៊ុនកាណាឌីយ៉ា អ៊ិនវេសមេន ហូលឌីង ភីអិលស៊ី (Canadia Investment Holding PLC) ដែលជាកេរ្តិ៍ដំណែលតាំងពីឆ្នាំ ១៩៩១ និងក្រុមហ៊ុនធានារ៉ាប់រងអាយុជីវិត មឿងថៃ ឡាយហ្វ៍ អឹសួរ៉ិនស៍ ភីស៊ីអិល (MuangThai Life Assurance PCL) ពីប្រទេសថៃ។ ក្រុមហ៊ុនធានារ៉ាប់រងអាយុជីវិត សុវណ្ណាភូមិ ឡាយហ្វ៍ បានទទួលអាជ្ញាបណ្ណប្រកបអាជីវកម្មធានារ៉ាប់រងអាយុជីវិត ពីក្រសួងសេដ្ឋកិច្ច និងហិរញ្ញវត្ថុ ក្នុងឆ្នាំ ២០១៥ ហើយចាប់ផ្ដើមប្រតិបត្តិការអាជីវកម្មពេញលេញនៅឆ្នាំ ២០១៦។
សុវណ្ណាភូមិ ឡាយហ្វ៍ នឹងអាចបង្កើតនូវផលិតផល និងសេវាកម្មដ៏សាកសមដើម្បីបំពេញនូវតម្រូវការជាក់លាក់របស់អតិជនកម្ពុជា ក្រោមការគាំទ្រយ៉ាងពេញទំហឹងពីម្ចាស់ភាគហ៊ុនទាំងពីរ ដោយផ្តោតទៅលើ «អតិថិជនជាចំបង» ដើម្បីស្វែងយល់ពីអតិថិជនកម្ពុជា។
អំពី ធនាគារ ហត្ថា៖
ធនាគារ ហត្ថា ជាធនាគារពាណិជ្ជដែលមានវត្តមាននៅក្នុងប្រទេសកម្ពុជាអស់រយៈពេលជិត ៣០ឆ្នាំមកហើយ និងផ្តល់សេវាកម្មហិរញ្ញវត្ថុយ៉ាងទូលំទូលាយដល់អតិថិជន។ សេវាកម្មទាំងនេះរួមមាន កម្ចី គណនីសន្សំ ការផ្ទេរប្រាក់ក្នុងស្រុក និងក្រៅស្រុក ការផ្ទេរប្រាក់តាមធនាគារក្នុងស្រុក ម៉ាស៊ីនATM សេវាធនាគារចល័ត(Hattha Mobile Banking) សេវាបើកប្រាក់បៀវត្សរ៍ ក៏ដូចជាការធានារ៉ាប់រង និងផលិតផលហិរញ្ញវត្ថុផ្សេងៗទៀត។ ធនាគារ ហត្ថា ប្រតិបត្តិការជាក្រុមហ៊ុនបុត្រសម្ព័ន្ធមួយរបស់ ធនាគារ ក្រុងស៊្រី ដែលជាសម្ព័ន្ធហិរញ្ញវត្ថុធំជាងគេទីប្រាំ នៅក្នុងព្រះរាជាណាចក្រថៃ ដែលបានដំណើរការ ៧៧ឆ្នាំ មកហើយ។ បន្តែមលើសពីនេះ ធនាគារ ក្រុងស៊្រី គឺជាសមាជិកយុទ្ធសាស្ត្ររបស់សម្ព័ន្ធហិរញ្ញវត្ថុ MUFG ដែលជាសម្ព័ន្ធហិរញ្ញវត្ថុធំជាងគេបង្អស់នៅជប៉ុន និងជាក្រុមហ៊ុនធំបំផុតមួយនៅទូទាំងពិភពលោក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
