ក្រោយចេញពី SM មក D.O បើកក្រុមហ៊ុនខ្លួនឯងដាក់ឈ្មោះឡើងខ្ជូត

កូរ៉េខាងត្បូង៖ ជាការពិតណាស់ តារាចម្រៀងប្រុស D.O ឬ Do Kyungsoo ដែលជាសមាជិកក្រុម EXO ដ៏ល្បីល្បាញ បានចាកចេញពីទ្រនំផលិតកម្ម SM Entertainment ក្រោយពីបញ្ចប់កុងត្រារួចមក។ អ្វីដែលគួរឲ្យចាប់អារម្មណ៍នោះ តារាប្រុសរូបនេះ បានបើកក្រុមហ៊ុនខ្លួនមួយ ដែលមានឈ្មោះថា Company SooSoo។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រោយពីឃើញឈ្មោះ Company SooSoo នេះហើយ អ្នកគាំទ្រនាំគ្នាគិតថាវាពិតជាឈ្មោះដ៏គួរឲ្យស្រឡាញ់ស័កសមនឹងអត្តចរិត D.O ខ្លាំងណាស់។ ចំពោះក្រុមហ៊ុនថ្មីនេះផងដែរ គេទើបតែដាក់បង្ហាញរូប Logo ជាផ្លូវការនៅថ្ងៃនេះប៉ុណ្ណោះ ដែលជាក្រុមហ៊ុនដែលគ្រប់គ្រងដោយ D.O ផ្ទាល់តែម្ដង។

គួរបញ្ជាក់ផងដែរថា D.O នៅតែជាសមាជិកក្រុម EXO ដែលធ្វើសកម្មភាពក្នុងក្រុមដ៏ដែល បើទោះបីជាខ្លួនបានចាកចេញពីផលិតកម្ម SM ក៏ពិតមែន៕

រូបភាព៖ allkpop

• រូបភាព
• តារាកូរ៉េ