លែងស្វាមីមិនបានប៉ុន្មានផង Sophie ទៅផ្អែមល្ហែមជាមួយបុរសអភិជនអង់គ្លេសភ្លាម

អាមេរិក៖ Sophie Turner ដែលជាតារាសម្ដែងល្បីឈ្មោះរបស់អាមេរិក ទើបតែក្លាយជាប្រធានាបទក្ដៅក្នុងការជជែករបស់សាធារណជន បន្ទាប់ពីនាងបានលែងលះស្វាមី Joe Jonas ដែលជាអ្នកចម្រៀងល្បីឈ្មោះ ដោយបន្សល់ទុកចំណងដៃកូនម្នាក់។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ខណៈដំណើរការនៃការលែងលះមិនទាន់ដាច់ស្រេចជាផ្លូវការនោះទាំង Sophie និងអតីតស្វាមីរបស់នាងសុទ្ធតែបានប្រកាសថាពួកគេពិតជាកំពុងដំណើរការលែងលះគ្នាមែន។

យ៉ាងណាមិញ ថ្មីៗនេះ ស្រាប់តែគេបានប្រទះឃើញ Sophie Turner បានទៅដើរលេងយ៉ាងផ្អែមល្ហែមជាមួយបុរសម្នាក់ឈ្មោះ Peregrine Pearson ដែលត្រូវបានគេស្គាល់ថាជាបុរសអភិជនរបស់អង់គ្លេស ដែលមានទ្រព្យសម្បត្តិស្ដុកស្ដម្ភ។

ក្នុងរូបភាពថតបានដោយអ្នកកាសែត គេឃើញថានាងបានថើបគ្នាជាមួយលោក Pearson ផងដែរនៅចំណតស្ថានីយ៍រថភ្លើង Gare du Nord ដែលកាន់តែបញ្ជាក់ពីទំនាក់ទំនងរវាងអ្នកទាំងពីរ។ បន្ទាប់មក ពួកគេក៏បានចូលទស្សនាព្រឹត្តិការណ៍កីឡា Rugby World Cup នៅ Stade de France នាទីក្រុងប៉ារីសប្រទេសបារាំងទៀតផង៕  

ប្រភព៖: people

• រូបភាព
• តារាអន្តរជាតិ