ឡើងផ្អែមល្ហែម ពេល Mark ពោលពាក្យបែបនេះ​ ទៅកាន់ភរិយា

ថៃ៖ អាចនិយាយបានថា គឺជាគូស្វាមីភរិយាថ្មីថ្មោង ដែលកំពុងមានការពេញនិយមពីសំណាក់ទស្សនិកជន និងហ្វេនៗជាច្រើន សម្រាប់តារាប្រុសស្រី លោក Mark Prin និង ភរិយា Kimberley ដែលក្រោយពីមានទំនាក់ទំនងស្នេហាជាច្រើនឆ្នាំ ពួកគេទាំងពីរបានដឹកដៃគ្នាចូលរោងការយ៉ាងរីករាយ កាលពីខែកញ្ញាកន្លងទៅនេះ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយឡែក ​​បន្ទាប់ពីបានប្រើជីវិតក្នុងនាមជាប្ដីប្រពន្ធមិនបានប៉ុន្មានផងនោះ ថ្មីៗនេះ ស្របពេលដែលបានចូលរួមកម្មវិធីជាមួយគ្នា គូស្វាមីភរិយាមួយគូនេះ បានធ្វើឲ្យហ្វេនៗកាន់តែចាប់អារម្មណ៍ និងរំភើបចិត្តជាខ្លាំង នៅពេលដែល លោក Mark Prin បានពោលពាក្យយ៉ាងផ្អែមល្ហែម​ ដោយបានលើកឡើងថា រូបលោកមិនបានរំពឹងអ្វីពីភរិយានោះទេ​ និង គ្រាន់តែបានប្រាប់ថា រូបលោកពិតជាមានសំណាងបំផុតលើលោក ទៀតផង។

ក្នុងនោះដែរ ហ្វេនៗជាច្រើន ក៏បានចូលរួមអបអរ ក៏ដូចជា សរសើរពីភាពគួរឲ្យស្រលាញ់របស់គូស្វាមីភរិយា តារាប្រុសស្រីអ្នកទាំងពីរ និងជូនពរឲ្យកាន់តែមានក្ដីសុខ នៅក្នុងជីវិតគ្រួសារ ផងដែរ៕

ប្រភព៖ Home Markim Cambodia

សូមទស្សនារូបភាពខាងក្រោម៖ 

• រូបភាព
• តារាថៃ