បើកបង្ហាញផ្ទះថ្មីទើបនឹងទិញ Jennifer Lopez ឡើងស្រស់ស្អាត គួរឲ្យចង់រស់នៅ

បរទេស៖ តាមរយៈការបង្ហោះថ្មីៗ នៅលើទំព័រផ្ទាល់ខ្លួនរបស់ តារាចម្រៀងល្បីឈ្មោះ Jennifer Lopez បានបង្ហាញពីជ្រុងមួយចំនួន នៅក្នុងផ្ទះទំនើបរបស់ខ្លួន ជាមួយនឹងស្វាមី លោក Ben Affleck ដែលទើបទិញថ្មី នៅ Los Angeles ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងនោះដែរ កាលពីចុងសប្តាហ៍កន្លងទៅនេះ តារាចម្រៀងស្រី Jennifer Lopez បានបង្ហោះរូបថតខ្លួននាង ត្រៀមចេញទៅព្រឹត្តិការណ៍មួយ ដែលនាងបានថតនៅផ្ទះរបស់ខ្លួន បង្ហោះនៅលើ Instagram ទៅកាន់អ្នកគាំទ្រ ខណៈដែលតារាស្រីរូបនេះ បាន​ស្លៀក​រ៉ូប​សាច់​កំណាត់​ដ៏​ទាក់ទាញ​ក្នុង​បន្ទប់​ផ្ទះ​វីឡា និងបានឈរក្បែរជញ្ជាំងថ្មម៉ាប បំភ្លឺដោយចង្កៀង។

នៅក្នុងរូបថតមួយផ្សេងទៀត ដែលបានបង្ហោះកាលពីខែមុន តារាចម្រៀងរូបនេះ ក៏បានបង្ហាញពីទិដ្ឋភាពនៅខាងក្រៅផ្ទះវីឡា ផងដែរ ក្នុងពេលដែលនាង បានស្លៀក​រ៉ូប​ផ្កា​ដើម្បី​បង្អួត​រាង​នៅ​មុខ​ផ្ទះ​របស់​ខ្លួន។ ជាពិសេស Jennifer ក៏​បាន​ថត​វីដេអូ​មួយ​ចំនួន​ នៅ​ក្នុង​ផ្ទះបាយ​ដ៏​មាន​ផាសុកភាព និង​បន្ទប់​ទទួល​ភ្ញៀវ ដែលបំពាក់គ្រឿង​សង្ហារិម​យ៉ាង​ប្រណិត សួន​ច្បារ​ធំ និង​អាង​ហែល​ទឹក​នៅ​ក្រោយ​ផ្ទះ​របស់​នាង ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• រូបភាព
• តារាអន្តរជាតិ