ចេញពីប៉ុស្ដិ៍វិញ វ៉ែនតា G-Dragon ពាក់ លក់អស់ដាច់ស្ដុក

កូរ៉េខាងត្បូង៖ ជាការពិតណាស់ ថ្មីៗនេះ G-Dragon ត្រូវបានគេចោទប្រកាន់លោក ពីបទប្រើប្រាស់គ្រឿងញៀនដែលធ្វើឲ្យផ្ទុះការភ្ញាក់ផ្អើលជាខ្លាំង។ ដោយឡែក តារាប្រុសរូបនេះ បានចេញមុខបដិសេធ និង បានស្ម័គ្រចិត្តទៅតេស្តនៅប៉ុស្ដិ៍ប៉ូលីសខ្លួនឯង ដែលលទ្ធផលនោះគឺ អវិជ្ជមាន បញ្ជាក់ថា ស្អាតស្អំ។

យ៉ាងណាមិញ ពេលបង្ហាញខ្លួននៅចំពោះមុខអ្នកការសែត តារាប្រុសរូបនេះបានតុបតែងខ្លួនក្នុងឈុតអាសឺមីពណ៌ទឹកសមុទ្រ និងអាវក្រៅពណ៌ទឹកប៊ិចចាស់ អមជាមួយនឹងវែនតាមួយផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលកាន់តែពិសេសនោះគឺ បន្ទាប់ពី GD ពាក់វា វ៉ែនតានេះត្រូវបានគេរាយការណ៍ថា បានលក់អស់គ្មានសល់ នៅលើគេហទំព័រផ្លូវការរបស់ពួកគេក្នុងប្រទេសកូរ៉េ ក៏ដូចជានៅក្នុងហាងលក់រាយរបស់កូរ៉េជាច្រើនផងដែរ ទោះបីជាមានតម្លៃ 1.2 លានវ៉ុន (974 ដុល្លារ) ក៏ដោយ!

ទន្ទឹមនឹងនេះ ក្នុងអំឡុងពេលនៃការស៊ើបអង្កេតរយៈពេល 4 ម៉ោងដែលបានធ្វើឡើង នៅថ្ងៃទី 6 វាត្រូវបានគេនិយាយថា GD បានបដិសេធយ៉ាងខ្ជាប់ខ្ជួនថា លោកមិនបានប្រើថ្នាំខុសច្បាប់ទេ ហើយការធ្វើតេស្តប្រតិកម្មសាមញ្ញរបស់លោក ក៏ចេញមកអវិជ្ជមានផងដែរ។

ប្រភព៖ វចនា-Vachana

• រូបភាព
• តារាកូរ៉េ