កម្សាន្ត៖ ថ្មីៗនេះ អ្នកដឹកនាំរឿង លោក Stephen Fung ដែលត្រូវបានគេស្គាល់ថា ជាស្វាមីរបស់តារាសម្តែងស្រីល្បីឈ្មោះ Shu Qi បានសរសើរនាងថា ពូកែខាងការវិនិយោគហិរញ្ញវត្ថុ។
ក្នុងនោះដែរ លោក Stephen Fung បានចូលរួមក្នុងព្រឹត្តិការណ៍មួយ ដែលនៅក្នុងនោះ លោកបានបង្ហើបថា គូស្វាមីភរិយារបស់ខ្លួន មានភាពឯករាជ្យផ្នែកហិរញ្ញវត្ថុ ហើយបានទទួលស្គាល់ថា លោកមិនពូកែគ្រប់គ្រងលុយ និងមិនដឹងអ្វីពីភាគហ៊ុន ឬអចលនទ្រព្យនោះឡើយ ដូច្នេះហើយ លោកមិនបានវិនិយោគលើវិស័យមួយនេះ នោះទេ។ ប៉ុន្តែអ្វីដែលគួរឲ្យចាប់អារម្មណ៍បំផុតនោះ ផលិតកររូបនេះ បានសរសើរដល់ភរិយារបស់ខ្លួន ដែលមានជំនាញគ្រប់គ្រងហិរញ្ញវត្ថុបានល្អ និងដឹងពីរបៀបវិនិយោគលើផ្នែក ដែលអាចរកប្រាក់ចំណេញបាន។
គួររំឮកផងដែរថា តារាសម្ដែងស្រី Shu Qi បានរៀបការជាមួយស្វាមី លោក Stephen Fung នៅចុងឆ្នាំ ២០១៦ បន្ទាប់ពី បានរាប់អានគ្នាជាច្រើនឆ្នាំ។ ហើយក្រោយពី ថ្ងៃរៀបការ អ្នកទាំងពីរ ហាក់មានភាពមមាញឹកនឹងការងារ ប៉ុន្តែក៏នៅតែអាចឆ្លៀតពេល ដើម្បីពង្រឹងទំនាក់ទំនងរបស់ខ្លួន បានយ៉ាងល្អ ផងដែរ៕
ប្រភព៖ Ngoisao.net
សូមទស្សនរូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
