Yang Hyun Suk ម្ចាស់ទ្រនំ BLACKPINK ត្រូវបានកាត់ទោសឱ្យជាប់ព.ន្ធ.នា.គា.ររយៈពេលប្រាំមួយខែ

កូរ៉េខាងត្បូង៖ លោក Yang Hyun Suk ម្ចាស់ផលិតកម្ម YG Entertainment ត្រូវបានកាត់ទោសនៅក្នុងតុលាការឧទ្ធរណ៍លើការចោទប្រកាន់ពីបទគំរាមកំហែង ដោយជា​លទ្ធផល តុលាការ​បាន​កាត់​ទោស​លោកឲ្យ​ជាប់​ពន្ធនាគារ ៦ ខែ និង​ព្យួរ​ទោស ១ ឆ្នាំ។

នៅថ្ងៃទី ៨ ខែវិច្ឆិកា ផ្នែកព្រហ្មទណ្ឌនៃតុលាការជាន់ខ្ពស់ទីក្រុងសេអ៊ូល បានធ្វើសវនាការលើបណ្តឹងទាក់ទងនឹងបទល្មើសរបស់ Yang Hyun Suk ប្រឆាំងនឹងច្បាប់ស្តីពីការពង្រឹងការផ្តន្ទាទោសចំពោះឧក្រិដ្ឋកម្មមួយចំនួន ដោយផ្តោតលើការចោទប្រកាន់ពាក់ព័ន្ធនឹងការគំរាមកំហែង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តុលាការ​​បាន​កាត់ទោស Yang Hyun Suk ឲ្យ​ជាប់​ពន្ធនាគារ​រយៈពេល ៦ ខែ និងស្ថិតក្នុងការឃ្លាំមើលរយៈពេល ១ឆ្នាំ។ លើសពីនេះ អតីតអ្នកគ្រប់គ្រងនៅ YG បានទទួលការកាត់ទោសដាក់ពន្ធនាគាររយៈពេល ៤ ខែ អមនឹងការឃ្លាំមើលរយៈពេល ១ឆ្នាំដូចគ្នា។

គួររំលឹកផងដែរ ការចោទប្រកាន់ដែលមានតាំងពីខែសីហា ឆ្នាំ ២០១៦ មកម្លេះ បានអះអាងថា Yang Hyun Suk បានជាប់ពាក់ព័ន្ធ ពីបទគំរាមកំហែង និងបង្ខិតបង្ខំអ្នកផ្តល់ព័ត៌មានជាសាធារណៈគឺ Han Seo Hee ដោយបាន​ចោទ​ប្រកាន់​ថា B.I អតីត​សមាជិក YG នៃ​ក្រុម iKON បាន​ទិញ និង​ប្រើប្រាស់​ថ្នាំ​ញៀន៕

ប្រភព៖ Allkpop

• តារាកូរ៉េ