អ្វីដែលអ្នកគួរធ្វើ និងមិនគួរធ្វើ នៅពេលអ្នកមានស្បែកមុខស្ងួត

យល់ដឹង៖ ស្បែកមុខមនុស្សមិនមែនមានតែមួយប្រភេទទេ គឺមានប្រភេទស្បែកខ្លាញ់ ស្បែកស្ងួត និងស្បែករួមបញ្ចូលគ្នា(ខ្លាញ់ផងស្ងួតផង)។ អ្នកត្រូវតែដឹងប្រភេទស្បែករបស់ខ្លួនឯងសិនមុនពេលឈានដល់ការជ្រើសរើសផលិតផលថែរក្សាស្បែកក៏ដូចជាគ្រឿងសម្អាង ដើម្បីប្រាកដចិត្តថាផលិតផលទាំងនោះត្រូវគ្នាជាមួយស្បែកយើង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ បើសិនជាអ្នកកើតមកមានស្បែកមុខស្ងួតពីធម្មជាតិស្រាប់(មិនមែនស្ងួតដោយសារមិនបានផ្ដល់សំណើម) គឺអ្នកគួរយល់ដឹងពីអ្វីគួរធ្វើ និងមិនគួរធ្វើ៖

១. ជម្រុះកោសិកាឲ្យបានទៀងទាត់

ការជម្រុះកោសិកាជួយជម្រុះស្បែកចាស់ៗដែលងាប់ចេញពីលើផ្ទៃមុខ ដើម្បីកុំឲ្យល្អងធូលីផ្សេងៗជ្រៀតជ្រែកចូលស្បែកមុខ បង្កឲ្យឡើងមុនជាដើម ហើយធ្វើឲ្យស្បែកអ្នករលោងមើលទៅមានសុខភាពល្អ។

២. កុំយល់ច្រឡំស្បែកស្ងួតពីកំណើត និងស្បែកស្ងួតដោយសារខ្វះជាតិទឹក

ស្បែកស្ងួតបែងចែកចេញជាពីរគឺស្ងួតពីកំណើត និងស្ងួតដោយសារខ្វះជាតិទឹក ដូច្នេះសូមអ្នកកុំយល់ច្រឡំឲ្យសោះ។

- ស្បែកស្ងួតដោយសារពីកំណើត គឺអ្នកកើតមកមានស្បែកនេះស្រាប់ ដោយមិនមានជាតិខ្លាញ់(Sebum)។

- ស្បែកស្ងួតដោយសារខ្វះជាតិទឹក គឺទើបតែកើតឡើងទេ ហើយមិនមានសំណើមនៃជាតិទឹក អាចមើលទៅស្ងួតគ្រើម តឹងៗមុខ។

៣. ប្រើប្រាស់ក្រែមផ្ដល់សំណើម

ដោយមានការណែនាំពីអ្នកជំនាញ អ្នកត្រូវប្រើប្រាស់ក្រែមផ្ដល់សំណើម ដោយមានការណែនាំពីអ្នកជំនាញ ព្រោះស្បែកស្ងួតត្រូវការការមើលថែខ្លាំង ដោយសារវាអាចនឹងធ្វើឲ្យស្ងួតកាន់តែខ្លាំង។ អ្នកត្រូវតែប្រើឡេផ្ដល់សំណើម ជាប្រចាំដើម្បីបង្កើនជាតិទឹកនិងសំណើមដល់ស្បែក។

៤. ប្រើប្រាស់ម៉ាសបិទមុខ

អ្នកត្រូវប្រើប្រាស់ម៉ាសបិទមុខ ដើម្បីជួយផ្ដល់សំណើមដល់ស្បែកមួយកម្រិតទៀត គឺអាចម្ដងក្នុងមួយសប្តាហ៍។

៥. ត្រូវលាងមុខមុនចូលគេង

ការលាងមុខមុនចូលគេង គឺពិតជាសំខាន់ដើម្បីលាងសម្អាតស្បែកមុខអ្នកពីបាក់តេរី លម្អងធូលីនិងសារធាតុផ្សេងៗ ដែលអាចបណ្ដាលឲ្យកើតមុន៕  

ប្រភព៖: gloskinbody

• យុវវ័យ
• ស្នេហា
• ជីវិត
• ចំណងស្នេហា