ឡើង Cool! រឿង John Wick កំពុងតែផលិតជា anime ហើយ

កម្សាន្ត៖ ប្រិយមិត្តដែលនិយមទស្សនាខ្សែភាពយន្ដបែបហូលីវូដ ច្បាស់ជាមិនរំលងរឿង John Wick នោះទេ ដែលរឿងនេះ ទទួលបានប្រជាប្រិយភាពយ៉ាងខ្លាំងក្លា។ រឿងនេះ បានចេញសរុប ៤វគ្គ​ ដែលវគ្គដំបូងចេញនៅឆ្នាំ២០១៤ ហើយនឹងវគ្គទី៤ ជាវគ្គចុងក្រោយនេះ ទើបនឹងបញ្ចាំង កាលពីដើមឆ្នាំ២០២៣នេះផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលធ្វើឲ្យអ្នកទស្សនារំភើបចិត្តនោះ រឿង John Wick មានដំណឹងថា កំពុងតែផលិតជា anime គំនូរជីវចល​ដោយជប៉ុន។ ជាមួយគ្នានេះដែរ អ្នកគាំទ្ររឿងនេះ ដែលនៅមិនទាន់អស់ចិត្តជាមួយនឹងសាច់រឿង ក៏ដូចជាតួអង្គ ដែលសម្ដែងដោយលោក Keanu Reeves ក៏នឹងបានឃើញទស្សនិយភាពសារជាថ្មីក្នុងរូបភាពថ្មីគួរឲ្យចាប់អារម្មណ៍នេះ។

នៅក្នុងនោះទៀតសោត គេនឹងរក្សារមុខមាត់តួអង្គ John Wick ឲ្យនៅតែដដែល គឺមានន័យថា មុខមាត់របស់លោក Keanu Reeves គូចេញជាគំនូរជីវចល។ បើនិយាយអំពីសាច់រឿងវិញ គឺមិនទាន់ដឹងនៅឡើយទេថា ជាសាច់រឿងថ្មី ឬផលិតចេញពីសាច់រឿងចាស់ ហើយក៏នៅមិនទាន់ដឹងថា រឿងនេះនឹងចេញនៅពេលណានោះដែរ៕

ប្រភព៖ Anime News Page

• ភាពយន្ត
• រូបភាព
• តារាអន្តរជាតិ