តេវ! Hyeri សុំបែកសង្សារ មកធ្វើមិត្តធម្មតាវិញ ក្រោយទាក់ទងបាន៧ឆ្នាំ

កូរ៉េខាងត្បូង៖​ ថ្មីៗនេះ ដំណឹងបែកបាក់ស្នេហាមួយរបស់ គូស្នេហ៍តារាកូរ៉េដ៏ល្បីល្បាញ បានកំពុងតែធ្វើឲ្យអ្នកលេងបណ្ដាញសង្គមមានការចាប់អារម្មណ៍ជាខ្លាំង ដោយ Hyeri ដែលជាតារា Kpop និង ជាតារាសម្ដែងដ៏មានប្រជាប្រិយភាព បានចែកផ្លូវជាមួយនឹងគូស្នេហ៍បន្ទាប់ពីទាក់ទងគ្នាបានរយៈពេល៧ឆ្នាំ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងនោះ Hyeri និង តារាសម្ដែងប្រុស Ryu Jun Yeol បានទាក់ទងគ្នាកាលពីឆ្នាំ២០១៦មកម្ល៉េះ ហើយពួកគេក៏បានសម្ដែងរឿងភាគកូរ៉េជាមួយគ្នា ដែលរឿង Reply 1988 ធ្វើឲ្យអ្នកទាំងពីរមានប្រជាប្រិយភាពយ៉ាងខ្លាំងក្លា ហើយពួកគេក៏បានបើកទំនាក់ទំនងជាសាធារណៈពីពេលនោះមក។

ដោយឡែក ចំពោះមូលហេតុដែលនាំឲ្យ គូស្នេហ៍ចាស់រដូវនេះ សម្រេចចិត្តដើរផ្លូវរៀងខ្លួននោះ គឺមិនច្បាស់នោះទេ ប៉ុន្ដែពួកគេសម្រេចថា ធ្វើជាមិត្តនឹងគ្នាធម្មតា បើទោះបីជាពួកគេមិនមែនជាគូស្នេហ៍ទៀតក៏ដោយ។​ ក្រោយពីប្រកាសបែបនេះ ធ្វើឲ្យមិត្តៗរួមសិល្បៈជាច្រើន ក៏ដូចជាហ្វេនៗមានការឈឺចាប់ជំនួសសមីខ្លួនផងដែរ៕

ប្រភព៖ Koreaboo

• រូបភាព
• តារាកូរ៉េ