ហ្វេនៗជឿថា LISA បានចាកចេញពី YG ហើយ ដោយសំអាងលើហេតុផលមួយនេះ

កូរ៉េខាងត្បូង៖ អនាគតរបស់សមាជិក BLACKPINK ទាំងបួននាក់ហាក់មានភាពស្រពេចស្រពិល បន្ទាប់ពីខាងផលិតកម្ម YG Entertainment ពុំបានប្រកាសពីការបន្តកុងត្រាថ្មីរបស់ពួកគេនោះឡើយ ខណៈដែលព័ត៌មានចចាមអារ៉ាមជាច្រើនបានផ្ទុះឡើងថា ក្នុងចំណោមសមាជិកទាំងបួនរូប គឺមានតែ Rose ម្នាក់គត់ដែលព្រមបន្តកុងត្រាថ្មីជាមួយ YG ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កុងត្រារបស់សមាជិកទាំងបួនអស់សុពុលភាពនៅខែវិច្ឆិកាឆ្នាំ២០២៣នេះហើយ ដែលថ្មីៗនេះ LISA ជាសមាជិកម្នាក់ក្នុងក្រុមក៏មានពាក្យចចាមអារ៉ាមថាបានផ្លាស់ចេញពីទ្រនំនេះផងដែរ។

ឥឡូវនេះ អ្នកគាំទ្រស្រាប់តែមានការសង្ស័យថា LISA ពិតជាបានចែកផ្លូវជាមួយ YG មែនដោយសារតែ កញ្ញា Alice Kang ជាអ្នកចាត់ការផ្ទាល់ខ្លួនរបស់តារាស្រីសញ្ជាតិថៃរូបនេះ បានចាកចេញពីផលិតកម្ម YG Entertainment ហើយ។

នៅក្នុងគណនី LinkedIn របស់ Alice បានបញ្ជាក់ថា នាងបានលាឈប់ពី YG ហើយបន្ទាប់ពីបានបំពេញការងាររយៈពេលជាង ៥ឆ្នាំនិង១ខែ ដែលធ្វើឲ្យអ្នកគាំទ្រគិតថា Alice Kang ទំនងជាចាកចេញទៅធ្វើការជាមួយ LISA នៅទ្រនំថ្មី៕  

ប្រភព៖: allkpop

• រូបភាព
• តារាកូរ៉េ