ស្មានតែស្រីស្អាតមកពីណា V ធ្វើបែបនេះទៅដូចមនុស្សស្រី

កម្សាន្ត៖ កាលពីពេលថ្មីៗកន្លងទៅនេះ តារាចម្រៀងប្រុសមុខមានមន្ដស្នេហ៍ V ដែលជាសមាជិកក្រុម BTS បានធ្វើឲ្យហ្វេនភ្ញាក់ផ្អើលជាមួយនឹងរូបមួយសន្លឹក។ ជាមួយគ្នានេះ តារាប្រុសនេះបានចែករំលែករូបភាពមួយដ៏គួរឲ្យចាប់អារម្មណ៍ ដែលនាំឲ្យអ្នកគាំទ្រក្នុងបណ្ដាញសង្គមនាំគ្នាស៊ែចែករំលែកតៗគ្នា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រឡេកមកមើលរូបភាពដ៏ទាក់ទាញនេះវិញ V មើលទៅដូចជាពាក់សក់បន្ដិច កាត់តបន្ដិច ជាមួយនឹងសក់វែងមានពណ៌សដូចជានារីបារាំង បើមិនស្គាល់ច្បាស់ជាគិតថាស្រីស្អាតមកពីណាជាមិនខាន។ លើសពីនោះ V ថតបែបនេះ មិនដឹងជាក្នុងបំណងចង់លេងសើចជាមួយអ្នកគាំទ្រឬមានថតអ្វីថ្មីក៏មិនដឹង ដឹងត្រឹមតែហ្វេននាំគ្នាយកធ្វើ​ Meme ពេញអ៉ិនធើណែត។

មិនតែប៉ុណ្ណោះ គេនាំគ្នាយករូបសមាជិកម្នាក់ក្នុងក្រុម គឺ Suga មកប្រៀបធៀប ដែលកាលពីមុន លោកបានពាក់សក់ដូចគ្នានេះ ដើម្បីថតចម្រៀង Daechwita ហើយហ្វេនខ្លះទៀតក៏និយាយលេងសើចថា សក់នេះ ដូចសក់តែមួយដែល Suga ពាក់ពីមុន៕

• រូបភាព
• តារាកូរ៉េ