ស្ងាត់ៗ Jennie ទិញអាផាតមិនប្រណីត ជាង ៣លានដុល្លារ ជះជាលុយសុទ្ធ ក្លាយជាអ្នកជិតខាង Lee Jong Suk

កូរ៉េខាងត្បូង៖ ថ្មីៗ Jennie សមាជិកក្រុម BLACKPINK ត្រូវបានគេរាយការណ៍ថាបានទិញផ្ទះល្វែងប្រណីតតម្លៃ ៥ ពាន់លានវ៉ុន (ប្រហែល ៣.៧៩ លានដុល្លារអាមេរិក) នៅតំបន់សហគមនិ៍ UN Village ជាការទិញសាច់ប្រាក់សុទ្ធ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមរបាយការណ៍ផ្តាច់មុខពី Biz Hankook Jennie បានទិញវីឡានៅ UN Village ដ៏ល្បីល្បាញដោយសាច់ប្រាក់ទាំងអស់ដោយគ្មានប្រាក់កម្ចីពីធនាគារណាមួយឡើយ។ នាងក៏បានរាយការណ៍ថាបានចុះឈ្មោះអាសយដ្ឋានថ្មីរបស់នាងជាមួយការិយាល័យក្រុងក្នុងតំបន់ថែមទៀតផង។

ផ្ទះល្វែងនេះមានបន្ទប់គេងចំនួន ៥ និងបន្ទប់ទឹកចំនួន ៣​ ដែលមានទំហំរស់នៅសរុប ២៤៤.៩៧ ម៉ែត្រការ៉េ។ ក្នុងនោះផងដែរ តារាសម្តែង Lee Jong Suk ជាម្ចាស់ផ្ទះល្វែងមួយកន្លែងនៅក្នុងអគារដូចគ្នា ជាមួយតារាស្រីនេះផងដែរ៕

ប្រភព៖ Koreaboo

• តារាកូរ៉េ