អ្នកគាំទ្រទាមទារ ឲ្យអ្នកច្នៃម៉ូតចេញមកបកស្រាយភ្លាម ក្រោយឃើញម្ជុ-»លនៅក្នុងអាវ របស់ Karina (មានវីដេអូ)

កូរ៉េខាងត្បូង៖ Karina ដែលជាមេក្រុម aespa បានជួបនឹងហេតុការណ៍គួរឲ្យរន្ធត់និងព្រួយបារម្ភ ទាក់ទងនឹងឈុតរបស់នាង ដែលធ្វើឲ្យអ្នកគាំទ្រមានការខឹងសម្បាចំពោះអ្នកច្នៃម៉ូតខោអាវ (Stylist) របស់ក្រុម aespa យ៉ាងខ្លាំង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កាលពីថ្ងៃទី១២ ខែវិច្ឆិកាកន្លងទៅនេះ Karina និងសមាជិក aespa ទាំងមូលបានចូលរួមសម្ដែងបទ «Drama» ជាបទថ្មីនៅក្នុងអាល់ប៊ុមថ្មីរបស់ខ្លួន នៅក្នុងកម្មវិធី SBS Ingikayo ដែលជារបស់ប៉ុស្តិ៍ទូរទស្សន៍ SBS ។

យ៉ាងណាមិញ មានហេតុការណ៍គួរឲ្យនឹកស្មានមិនដល់មួយកើតឡើងគឺ Karina ត្រូវបានគេប្រទះឃើញថាបានរកឃើញម្ជុលតូចមួយនៅក្នុងឈុតរបស់នាង ដោយនាងបានទាញវាចេញយ៉ាងលឿនជាមួយទឹកមុខដ៏ភ្ញាក់ផ្អើល។

ភ្លាមៗបន្ទាប់ពីការសម្ដែងចប់ អ្នកគាំទ្រក្រុម aespa គឺ MYs មានការខឹងសម្បាទៅលើអ្នករៀបចំសម្លៀកបំពាក់របស់ aespa ជាខ្លាំង ដោយទាមទារឲ្យចេញមុខមកបកស្រាយថាហេតុអ្វីបានជាមានម្ជុលនៅក្នុងឈុតរបស់ Karina យ៉ាងដូច្នេះ៕

Karina found a needle on her outfit while on stage. Thankfully she didn’t get hurt #KARINA #카리나 #aespa #에스파
pic.twitter.com/jvibXvaA7X

— kpop moments (@kpopinmind) November 13, 2023

ប្រភព៖: kpopstarz

• រូបភាព
• តារាកូរ៉េ