ឡូយអស់ស្ទះ! SM ប្រកាសថាគ្រោងនឹងបង្កើត ក្រុមចម្រៀងបុរសនៅអង់គ្លេស មួយក្រុមទៀត

កូរ៉េខាងត្បូង៖ ផលិតកម្ម SM Entertainment ដែលត្រូវបានគេស្គាល់ថាជាផលិតកម្មយក្សមួយនៅកូរ៉េខាងត្បូង បានប្រកាសថាផលិតកម្មគ្រោងនឹងវាយលុកទីផ្សារបរទេស ដោយបង្កើតក្រុមចម្រៀងបុរសនៅអង់គ្លេស។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងការបង្កើតក្រុមថ្មីនេះ SM បានសហការជាមួយក្រុមហ៊ុន MOON&BACK ជាផ្លូវការ ដោយមាន CEO របស់ SM គឺលោក Jang Cheol Hyuk , Jang Yoon Joong, Lee Seong Soo និង Kangta ខណៈដែលខាង MOON&BACK មានដូចជាលោក Nigel Hall, Russ Lindsay , Dawn Airey និង Ben Karter ចូលរួមពិភាក្សាផងដែរ ដែលលោក Nigel Hall គឺជាផលិតកររបស់កម្មវិធី The X Factor និង Britain's Got Talent ផងដែរ។

MOON&BACK នឹងធ្វើការជ្រើសរើសសមាជិកក្រុមចម្រៀងបុរសនៅអង់គ្លេសដ៏ថ្មីសន្លាងនេះ ខណៈដែល SM នឹងផ្ដល់ចំណេះដឹងទាក់ទងនឹង KPOP ដោយបង្កើត MV, ក្បាច់រាំ និងផ្សេងៗទៀត ដែលក្នុងនោះបទចម្រៀងដែលពួកគេនឹងច្រៀងនឹងដាក់បញ្ចូលក្នុង Kreation Music Rights ដែលជាក្រុមហ៊ុនចំណុះរបស់ SM ។

ក្នុងនោះ ដំណើរការស្វែងរកសមាជិកក្រុមចម្រៀងបុរសនេះនឹងចាប់ផ្ដើមនៅពាក់កណ្ដាលឆ្នាំ២០២៤ ដោយ MOON&BACK នឹងមានជាការផលិតជា Series ផងដែរដោយមានចំនួន៦ភាគ ស្វែងរកទូទាំងកូរ៉េ, អង់គ្លេស និងអាមេរិក៕  

ប្រភព៖: koreaboo

• ចម្រៀង
• រូបភាព
• តារាកូរ៉េ