បរទេស៖ ថ្មីៗនេះ អតីតកីឡាករបាល់ទាត់ដ៏ល្បីល្បាញ លោក David Beckham បានទាញយកចំណាប់អារម្មណ៍ បន្ទាប់ពី ត្រូវបានគេប្រទះឃើញ នៅក្នុងហ្វូងមនុស្ស ពេលទៅទស្សនាការប្រកួតកីឡា Cricket World Cup វគ្គពាក់កណ្តាលផ្តាច់ព្រ័ត្រលើកដំបូង រវាងប្រទេសឥណ្ឌា និងនូវែលសេឡង់ នៅទីក្រុង Mumbai កាលពីថ្ងៃទី ១៥ ខែវិច្ឆិកាកន្លងទៅនេះ។
នៅក្នុងនោះដែរ តាមរយៈរូបភាពដែលបានបង្ហាញឡើង នៅលើបណ្តាញសង្គម លោក David Beckham ត្រូវបានគេមើលឃើញថា កំពុងតែមានភាពរីករាយជាមួយខ្លួនឯង ខណៈពេលដែលកំពុងប្រាស្រ័យទាក់ទងជាមួយអ្នកទស្សនាផ្សេងទៀត នៅក្នុងកីឡាដ្ឋាន។
មិនត្រឹមតែប៉ុណ្ណោះ អតីតកីឡាកររូបនេះ នៅតែរក្សារូបរាងក្មេងជាងវ័យ នៅពេលដែលបានតុបតែងខ្លួន ស្លៀកពាក់អាវធំពណ៌ខៀវ ជាមួយនឹងអាវយឺតពណ៌សនៅខាងក្នុង ដែលមើលទៅពិតជាស្រស់សង្ហាយ៉ាងខ្លាំង។ លើសពីនេះ រូបលោក ថែមទាំងបានថតរូបជាមួយអ្នកគាំទ្រស្រីពីរនាក់ ខណៈកំពុងអង្គុយក្បែរតារាបូលីវូដដ៏មានមន្តស្នេហ៍ Kiara Advani និងស្វាមី តារាសម្តែង Sidharth Malhotra ផងដែរ៕
ប្រភព៖ Ngoisao.vn
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
